ବାଂଲାଦେଶ ସଡକ ପରିବହନ ମନ୍ତ୍ରୀ ବାଇଦୁଲ କାଦର କହିଛନ୍ତି ଯେ ଦୁଇ ଦେଶର ପ୍ରଧାନମନ୍ତ୍ରୀଙ୍କ ଆନ୍ତରିକ ଉଦ୍ୟମ ଯୋଗୁଁ ବାଂଲାଦେଶ ଏବଂ ଭାରତ ମଧ୍ୟରେ ସମ୍ପର୍କ ଏକ ନୂତନ ଶିଖରରେ ପହଞ୍ଚିଛି। ଭାରତର ନବନିଯୁକ୍ତ ହାଇ କମିଶନର ବିକ୍ରମ ଦୋରାଇସ୍ୱାମୀ ଢାକାରେ ତାଙ୍କୁ ସୌଜନ୍ୟମୂଳକ ସାକ୍ଷାତ କରିବା ପରେ ସେ ଗଣମାଧ୍ୟମକୁ ଏହା କହିଛନ୍ତି।
ବାଂଲାଦେଶ-ଭାରତ ସମ୍ପର୍କକୁ ବହୁମୁଖୀ ବୋଲି ବର୍ଣ୍ଣନା କରି କାଦର କହିଛନ୍ତି ଯେ ସୀମା ସମସ୍ୟାର ଦ୍ୱିପାକ୍ଷିକ ଆଲୋଚନା ମାଧ୍ୟମରେ ସମାଧାନ ହୋଇଥିବା ବେଳେ ଦୁଇ ଦେଶ ମଧ୍ୟରେ ନଦୀ ଜଳ ବଣ୍ଟନ ଭଳି ସମସ୍ୟାର ସମାଧାନରେ ଅଗ୍ରଗତି ହୋଇଛି। ସେ କହିଛନ୍ତି ଯେ ଦୁଇ ଦେଶ ପାଇଁ କାର୍ଯ୍ୟ କରୁଥିବା ଯୁଗ୍ମ ଗୋଷ୍ଠୀ ମଧ୍ୟ ନୀଳ-ଅର୍ଥନୀତିର ସମ୍ଭାବନା କାର୍ଯ୍ୟକାରୀ କରିବା ଦିଗରେ ନିୟୋଜିତ ଅଛନ୍ତି।
ସଂଯୋଗୀକରଣ ଏବଂ ଭିତ୍ତିଭୂମି କ୍ଷେତ୍ରରେ ଭାରତର ସହଯୋଗକୁ ସୂଚାଇ ବାଂଲାଦେଶ ସଡକ ପରିବହନ ମନ୍ତ୍ରୀ କହିଛନ୍ତି ଯେ ଭାରତ ବାଂଲାଦେଶ ସଡକ ପରିବହନ ନିଗମ ପାଇଁ ୯୨୮ଟି ବସ୍ ଏବଂ ୫୦୦ଟି ଟ୍ରକ୍ ଯୋଗାଇ ଦିଆଯାଇଛି। ସେ ଆହୁରି ମଧ୍ୟ କହିଛନ୍ତି ଯେ ଆଶୁଗଞ୍ଜ ନଦୀ ବନ୍ଦରରୁ ଆଖୁରା ସ୍ଥଳ ବନ୍ଦର ପର୍ଯ୍ୟନ୍ତ ରାଜପଥକୁ ଚାରି ଲେନ ନବୀକରଣ କାର୍ଯ୍ୟ ଚାଲିଛି।
