ବାଲେଶ୍ୱର : ୨ କୋଟି ୩୫ ଲକ୍ଷ ଠକେଇ ଅଭିଯୋଗରେ ୨ ଜଣଙ୍କୁ ୧୦ ବର୍ଷ ଜେଲ୍ ଓ ୩ ଲକ୍ଷ ଜରିମାନା ହୋଇଛି। ଶନିବାର ବାଲେଶ୍ଵର ଓପିଆଇଡି ଏବଂ ଇଓଡବ୍ଲ୍ୟୁ ସ୍ୱତନ୍ତ୍ର ଜଜ୍ ବିଶ୍ଵଜିତ୍ ଦାସ ଦଣ୍ଡାଦେଶ ଶୁଣାଇଛନ୍ତି। ଅନାଦେୟ ୨ ବର୍ଷ ଜେଲ ଦଣ୍ଡାଦେଶ ଦେଇଛନ୍ତି। ଦୁଇ ଅଭିଯୁକ୍ତ ହେଲେ ଉତ୍ତର ପ୍ରଦେଶ ସାହିବାବାଦର ହିମାଂଶୁ ଭଣ୍ଡାରି (୨୯) ଓ ବିଜୟ ଭାରଦ୍ଵାଜ ବୋଲି ଜଣାପଡିଛି।
ସୂଚନା ଯୋଗ୍ୟ, ଆରବିଆଇ ଅଫିସର କହି ୨ କୋଟିରୁ ଅଧିକ ଠକେଇ ମାମଲାରେ ଏହି ୨ ଜଣଙ୍କୁ ସଜା ହୋଇଛି। ୨ ଅଭିଯୁକ୍ତ ଯୋଡାର ଜଣେ ବ୍ୟବସାୟୀଙ୍କୁ ୨ କୋଟି ୩୫ ଲକ୍ଷ ଠକେଇ କରିଥିଲେ। ପ୍ରଧାନମନ୍ତ୍ରୀ ରାହତ କୋଷ ଯୋଜନାରେ ଋଣ କରାଇବାକୁ କହି ଠକିଥିଲେ ବୋଲି ସୂଚନା ମିଳିଛି।
