ବାଲେଶ୍ବରର ବନ୍ୟା ପ୍ଲାବିତ ଅଞ୍ଚଳକୁ ପରିଦର୍ଶନ କଲେ ବରିଷ୍ଠ ସଚିବଙ୍କ ସହ ଅନ୍ୟ ବିଶିଷ୍ଟ ବ୍ୟକ୍ତି

ବାଲେଶ୍ବର : ବାଲେଶ୍ବର ଜିଲ୍ଲାର ବିଭିନ୍ନ ବନ୍ୟା ପ୍ଲାବିତ ଅଞ୍ଚଳକୁ ରାଜ୍ୟ ସରକାରଙ୍କ ବରିଷ୍ଠ ସଚିବ ବିଶାଳ ଦେବ୍ ପରିଦର୍ଶନ କରିଛନ୍ତି । ସଚିବଙ୍କ ସମେତ ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ଓ ପ୍ରଶାସନିକ ଅଧିକାରୀମାନେ ବନ୍ୟାଞ୍ଚଳ ପରିଦର୍ଶନ କରି ରିପୋର୍ଟ ସଂଗ୍ରହ କରିଛନ୍ତି।
ସଚିବ ସଦର ବ୍ଲକର ବୁଢାବଳଙ୍ଗ ନଦୀ କୂଳିଆ ଅଞ୍ଚଳ ପରିଦର୍ଶନ କରିବା ସହ ହଳଦୀ ପଦା, କୁରାଢିଆ, ବସ୍ତା, ବାଲିଆପାଳ ଆଦି ଅଞ୍ଚଳ ପରିଦର୍ଶନ କରିଥିବା ଜଣାପଡିଛି। ପାଣି ଘେରରେ ଥିବା ଲୋକଙ୍କୁ ସହାୟତା ଯୋଗାଇବା ଓ ବନ୍ୟା ପରର ଦୁର୍ଦ୍ଦଶାକୁ ସାମ୍ନା କରିବା ପାଇଁ ପଦକ୍ଷେପ ଗ୍ରହଣ କରିବା ପାଇଁ ପରାମର୍ଶ ଦେଇଛନ୍ତି। ସେହିପରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଡେଙ୍ଗୁ ଓ ଡାଏରିଆ ୱାର୍ଡ ସମ୍ପୂର୍ଣ୍ଣ ଭାବେ ପ୍ରସ୍ତୁତ ରହିଛି ବୋଲି ସେ କହିଛନ୍ତି ।