ସୋର: ବାଲେଶ୍ୱର ଜିଲା ୧୬ ନମ୍ୱର ଜାତୀୟ ରାଜପଥ ଖନ୍ତାପଡ଼ା ଓଭରବ୍ରିଜ୍ ନିକଟରେ ସୋମବାର ଏକ ସଡ଼କ ଦୁର୍ଘଟଣା ଘଟିଛି । ଏଥିରେ ବାପା, ମାଆ, ଝିଅ ସମେତ ଆମ୍ୱୁଲାନ୍ସ ହେଲପର ଆହତ ହୋଇଛନ୍ତି ।
ସୂଚନା ଅନୁଯାୟୀ, ଅସୁସ୍ଥ ଝିଅକୁ ଆମ୍ୱୁଲାନ୍ସ ଯୋଗେ ବାପା, ମାଆ ବାଲେଶ୍ୱର ମେଡିକାଲ ନେଇ ଯାଉଥିଲେ । ଏହି ସମୟରେ ବିପରୀତ ଦିଗରୁ ଆସୁଥିବା ଏକ ଗୋରୁ ବୋଝେଇ ପିକଅପ୍ ଭ୍ୟାନ ଆମ୍ୱୁଲାନ୍ସକୁ ଧକ୍କା ଦେଇଥିଲା । ଏଥିରେ ବାପା, ମାଆ, ଝିଅ ଗୁରୁତର ହୋଇପଡ଼ିଛନ୍ତି ଏବଂ ଆମ୍ୱୁଲାନ୍ସ ହେଲପରଙ୍କ ମୁଣ୍ଡରେ ଆଘାତ ଲାଗିଛି । ଗୁରୁତର ଅବସ୍ଥାରେ ସମସ୍ତଙ୍କୁ ଉଦ୍ଧାର କରାଯାଇ ସ୍ଥାନୀୟ ସଦର ଚିକିତ୍ସାଳୟରେ ଭର୍ତ୍ତି କରାଯାଇଛି । ଘଟଣା ସ୍ଥଳରେ ଖନ୍ତାପଡ଼ା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି ।
Comments are closed.