ବାଉଁଶୁଣି : ବୌଦ୍ଧ ବ୍ଲକ ତାଳସରଡା ଗ୍ରାମ ପଞ୍ଚାୟତ ଅନ୍ତର୍ଗତ ସାହାଜପାଲରେ ଏସବିଆଇ ଏଟିଏମ୍ ଆଜକୁ ୧୫ ଦିନରୁ ଉର୍ଦ୍ଧ ହେବ ଅଚଳ ହୋଇ ପଡ଼ିଛି। ଏଟିଏମ୍ ଅଚଳ ହୋଇ ପଡିଥିବା ଯୋଗୁଁ ଟଙ୍କା ଉଠାଣ କାରୀ ମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ବିଶେଷ କରି ଏହି ଛକ ଉପରେ ନିର୍ଭର କରୁଥିବା ବ୍ୟବସାୟୀ, ସରକାରୀ କର୍ମଚାରୀ, ଦୂରଦୂରାନ୍ତରୁ ଆସୁଥିବା ଯାତ୍ରୀମାନେ ଆଜକୁ ୧୫ଦିନ ହେବ ହଇରାଣ ହରକତ ହେଉଛନ୍ତି। ଟଙ୍କା ଉଠାଇବା ପାଇଁ ହେଲେ ୧୦ କିଲୋ ମିଟର ଦୂରରେ ଥିବା ଜହ୍ମାପଙ୍କ ଓ ବାଉଁଶୁଣି ଏଟିଏମ୍ ଯିବାକୁ ପଡିଥାଏ। ଏହି ସ୍ଥାନରୁ ସାହାଜପାଲ ଅଞ୍ଚଳକୁ ଦୁରବାଟ ହେଉଥିବାରୁ ଟଙ୍କା ଧରି ଯିବା ଆସିବା କରିବା ପାଇଁ ଦୃର୍ବୁତ୍ତ ମାନଙ୍କ କଥା ଶୁଣି ଭୟ ଆସେ । ତୁରନ୍ତ ଏ ସାହାଜପାଲ ଅଚଳ ଏଟିଏମ୍ କୁ ସଜାଡ଼ିବା ପାଇଁ ସାଧାରଣରେ ଦାବୀ ହେଉଛି ।
Popular Categories
Previous article
Next article