ବାହରାଇଚ : ହରଦୀ ଥାନା କ୍ଷେତ୍ର ଅଞ୍ଚଳରେ ପୁଣି ଥରେ ଆତଙ୍କ ଖେଳାଇଛି ଗଧିଆ । ରବିବାର ବିଳମ୍ବିତ ରାତିରେ ଏକ ୨ ବର୍ଷ ଶିଶୁର ଶିକାର କରିଥିବା ବେଳେ ଜଣେ ମହିଳାଙ୍କୁ ଗୁରୁତର ଆହତ କରିଛି । ଗାଁରେ ଘରେ ନିଜ ମାଆ ନିକଟରେ ଶୋଇଥିବା ୨ ବର୍ଷ ଶିଶୁ କନ୍ୟା ଉପରେ ଗଧିଆ ଆକ୍ରମଣ କରିଥିଲା। ମାଆ ନିକଟରେ ଶୋଇଥିବା ଅଞ୍ଜଳୀ ଉପରେ ଆକ୍ରମଣ କରି ସେଠାରୁ ଘୋଷାଡି ନେଇ ପଳାଇଥିଲା । ଏହି ସମୟରେ ଅଞ୍ଜଳୀ ମାଆ ଖୁବ୍ ଜୋରରେ ପାଟି କରିଥିଲେ। ଗଧିଆ ପଛେ ପଛେ ଧାଇଁ ଥିଲେ । ମାତ୍ର ଅନ୍ଧାରରେ ଗଧିଆ ପଳାଇଥିଲା। ଚିତ୍କାର ଶୁଣି ଲୋକେ ଏକାଠି ହୋଇ ଯାଇଥିଲେ । ଖବର ପାଇ ବନ ବିଭାଗ ଦଳ ଘଟଣାସ୍ଥଳରେ ପହଞ୍ଚି ଡ୍ରୋନ କ୍ୟାମେରା ଦ୍ୱାରା ଖୋଜାଖୋଜି ଆରମ୍ଭ କରିଥିଲା । ଗାଁ ଠାରୁ କିଛି ଦୂରରେ ଶିଶୁ କନ୍ୟାର ମୃତଦେହ ମିଳିଥିଲା । ମୃତଦେହ ଦେଖି ଅଞ୍ଚଳରେ ଶୋକାକୂଳ ପରିବେଶ ସୃଷ୍ଟି ହୋଇଥିଲା । ଗାଁ ଲୋକେ ଏକାଠି ହୋଇ ଯାଇଥିଲେ।
#WATCH | Uttar Pradesh: Drone visuals from Bahraich where a search operation is underway to catch the wolves left. So far 4 wolves have been caught. There are 2 wolves left.
Late last night, a wolf attacked a 7-year-old boy and a woman, residents of Barbigha Hardi PS area of… pic.twitter.com/wthuykjNDs
— ANI (@ANI) September 2, 2024
ଗଧିଆ ହରଦୀ କ୍ଷେତ୍ରର ଗ୍ରାମ ପଞ୍ଚାୟତ କୋଟିଆର ମଜରା ବାରାବିଗହା ନିବାସୀ କମଳା (୬୦)ଙ୍କ ଉପରେ ମଧ୍ୟ ଆକ୍ରମଣ କରିଛି । ମହିଳା ଜଣକ ଅଗଣାରେ ଶୋଇଥିବା ସମୟରେ ଗଧିଆ ତାଙ୍କୁ ଆକ୍ରମଣ କରିଥିଲା । ମହିଳାଙ୍କ ଚିତ୍କାର ଶୁଣି ପରିବାର ଲୋକେ ପହଞ୍ଚି ତାଙ୍କୁ ଉଦ୍ଧାର କରି ନିକଟ ସ୍ୱାସ୍ଥ୍ୟକେନ୍ଦ୍ରକୁ ନେଇ ପରେ ଅନ୍ୟ ହସ୍ପିଟାଲକୁ ନେଇଥିଲେ । ମହିଳା ଗୁରୁତର ଥିବା ଜଣାପଡିଛି ।
ଶନିବାର ରାତିରେ ମଧ୍ୟ ହରଦୀ ଥାନା ଅଞ୍ଚଳରେ ଗଧିଆ ଆକ୍ରମଣ କରିଥିଲା । ରାତିରେ ମାଆ ପାଖରେ ଶୋଇଥିବା ଏକ ୭ ବର୍ଷ ଶିଶୁ ଉପରେ ଆକ୍ରମଣ କରିଥିଲା । ଶିଶୁକୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିଲା । ଅନ୍ୟ ଜଣଙ୍କ ଉପରେ ମଧ୍ୟ ଆକ୍ରମଣ କରିଥିଲା । ଆକ୍ରମଣ ବିଷୟରେ ଖବର ପାଇ ଡିଏଫଓ, ଏସଡିଏମ ସମେତ ବନ କର୍ମଚାରୀ ଅଞ୍ଚଳରେ ପହଞ୍ଚିଥିଲେ । ଗଧିଆ ଏଯାଏଁ ୧୦ ଜଣଙ୍କ ଜୀବନ ନେଇଥିବା ବେଳେ ୩୧ ଜଣଙ୍କୁ ଗୁରୁତର ଆହତ କରିଛି ।
