ବଡବିଲ: କେନ୍ଦୁଝର ଜିଲ୍ଲା ବଡବିଲ ଥାନା ହାୟାରପୁରରେ ଅଭାବନୀୟ ଘଟଣା ଘଟିଛି। ନଦୀରେ ବୁଡି ନିଖୋଜ ହେବାର ୩ ଦିନ ପରେ ଯୁବକଙ୍କ ମୃତଦେହ ଉଦ୍ଧାର ହୋଇଛି। ମୃତ ଯୁବକ ଜଣକ ଦୁଲୁ ମୁଣ୍ଡା ବୋଲି ଜଣାପଡିଛି। ସୂଚନା ଅନୁସାରେ ଦୁଲୁ ୨ ଦିନ ତଳେ ଗାଁର କିଛି ଯୁବକଙ୍କ ସହ ମିଶି ଗାଁ ନିକଟରେ ଥିବା କାରୋ ନଦୀକୁ ମାଛ ଧରିବାକୁ ଯାଇଥିଲେ । କୌଣସି ଅସାବଧାନତା କାରଣରୁ ଦୁଲୁଙ୍କ ଗୋଡ ଖସି ଯାଇଥିଲା। ଦୁଇ ଦିନ ହେବ ଦୁଲୁ ନଦୀରେ ବୁଡି ନିଖୋଜ ରହିଥିଲେ। ବୁଧବାର ସକାଳୁ କିଛି ସ୍ଥାନୀୟ ଲୋକ ଦୁଲୁଙ୍କ ମୃତଦେହ ଭାସୁଥିବା ଦେଖି ପୁଲିସକୁ ଖବର ଦେଇଥିଲେ । ପରେ ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ମୃତଦେହ ଉଦ୍ଧାର କରିଛି।
Comments are closed.