ବଡ଼ସାହି : ବଡ଼ସାହି ବ୍ଳକର ଆଉ ୬ଟି ପଞ୍ଚାୟତରେ ସୋମବାର ପିଠା କାର୍ଯ୍ୟକ୍ରମର ଶୁଭାରମ୍ଭ ହୋଇଛି। ଛେଳିଆ(କ), ସୁହାଗପୁର, ବଡ଼ସାହି, ସାନକେରକୋ, ଟଙ୍ଗାଶୋଳ ଓ ଗୁଡିଆଲବନ୍ଧ ପଞ୍ଚାୟତରେ ରାଜ୍ୟ ସରକାରଙ୍କ ବିଭିନ୍ନ ଯୋଜନା ଲୋକମାନଙ୍କ ନିକଟରେ ପହଞ୍ଚାଇବା ପାଇଁ ପୃଥକ ସଭା ଅନୁଷ୍ଠିତ ହୋଇଥିଲା। ମୁଖ୍ୟଅତିଥି ଭାବେ ମାନ୍ୟବର ବଡ଼ସାହି ବିଧାୟକ ଗଣେଶ୍ୱର ପାତ୍ର, ପଞ୍ଚାୟତ ସମିତି ଅଧ୍ୟକ୍ଷା ଲକ୍ଷ୍ମୀ ସିଂ, ଉପାଧ୍ୟକ୍ଷ ଅର୍ନ୍ତଯ୍ୟାମୀ ବେହେରା, ରାଜ୍ୟ ନୋଡ଼ାଲ ଅଫିସର ଶକୁନ୍ତଳା ବିନ୍ଧାଣୀ, ପିଡିଡିଆରଡିଏ ତୁଷାରକାନ୍ତ ମହାନ୍ତି ଓ ବିଡ଼ିଓ ରବୀନ୍ଦ୍ର କୁମାର ପ୍ରଧାନ ଯୋଗଦେଇଥିଲେ। ଏଥିରେ ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀମାନେ ଅଧ୍ୟକ୍ଷତା କରିଥିବା ବେଳେ ସରପଞ୍ଚ, ସମିତି ସଭ୍ୟ ଓ ୱାର୍ଡ ସଭ୍ୟା ସଭ୍ୟମାନେ ଉପସ୍ଥିତ ଥିଲେ। ଅନ୍ୟମାନଙ୍କ ମଧ୍ୟରେ ସହକାରୀ ଯନ୍ତ୍ରୀ ବେଣୁଧର ସାହୁ, ଜିପିଓ ପଞ୍ଚାନନ ମହାପାତ୍ର, ମଙ୍ଗଳ ସମ୍ପ୍ରସାରଣ ଅଧିକାରିଣୀ ମଧୁଛନ୍ଦା ଗିରି, ସାମାଜିକ ସୁରକ୍ଷା ଅଧିକାରୀ ବ୍ରଜମୋହନ ସିଂ ଓ ହିସାବ ଅଧିକାରୀ ସିଦ୍ଧନାଥ ହାଁସଦାଃଙ୍କ ସମେତ ସମସ୍ତ ଲାଇନ ଡ଼ିର୍ପାଟମେଣ୍ଟର ପ୍ରତିନିଧି ତଥା କର୍ମଚାରୀ ଏଥିରେ ଯୋଗ ଦେଇଥିଲେ। ସରକାରଙ୍କ ଏହି ଯୋଜନାର ସଫଳ ରୂପାୟନ ପାଇଁ ଉପସ୍ଥିତ ଜନସାଧାରଣଙ୍କ ସହଯୋଗ ସମସ୍ତେ କାମନା କରିଛନ୍ତି। ବିଜୁ ଯୁବବାହନୀର ସଦସ୍ୟ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
