ବଡ଼ମ୍ବା : ବଡ଼ମ୍ବା ତାଲୁକ ଆଇନ ସେବା କମିଟି ତରଫରୁ ମୁଳିଆବାଙ୍କ ଆଶ୍ରମ ସ୍କୁଲ ପରିସରରେ ସୋମବାର ବନ ମହୋତ୍ସବ ପାଳନ କରାଯାଇଛି । କମିଟିର ଅଧ୍ୟକ୍ଷ ତଥା ବଡ଼ମ୍ବା ବିଚାରାଳୟର ଜୁଡିସିଆଲ ମାଜିଷ୍ଟ୍ରେଟ ଶ୍ରୀକାନ୍ତ ପାଢୀଙ୍କ ପୌରୋହିତ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଆଶ୍ରମ ଅନ୍ତେବାସୀ ଛାତ୍ରଛାତ୍ରୀଙ୍କୁ ବନମହୋତ୍ସବ ପାଳନର ତାତ୍ପର୍ଯ୍ୟ ଏବଂ ବୃକ୍ଷ ହିଁ ଜୀବନ ଉପରେ ସଚେତନ କରାଯାଇଥିଲା । ଏହି ଅବସରରେ ଆଶ୍ରମ ସ୍କୁଲ ପରିସରରେ ଚାରା ରୋପଣ କରାଯାଇଥିଲା । ଅଧ୍ୟକ୍ଷ ଶ୍ରୀ ପାଢୀଙ୍କ ସମେତ ବିଦ୍ୟାଳୟର ପ୍ରଧାନ ଶିକ୍ଷକ ନାରାୟଣପ୍ରସାଦ ଦାଶ, ବ୍ଲକ ସାମାଜିକ ସମ୍ପ୍ରସାରଣ ଅଧିକାରୀ ଉମେଶଚନ୍ଦ୍ର ପ୍ରଧାନ, ଓକିଲ ସଂଘ ସମ୍ପାଦକ ଆଇନଜୀବୀ ଶୈଳେନ୍ଦୁଭୂଷଣ ମଲ୍ଲିକ, ବବିତା ସାହୁ, ପ୍ରତିମା ଡାଳୁଆ, ମହେନ୍ଦ୍ର କୁମାର ସାମନ୍ତରାୟ, ବିଶିଷ୍ଟ ଶରଡ଼ିଆ, ସୁନିତା ପାଣିଗ୍ରାହୀ, ଜୟସ୍ମିତା ନାୟକ ପ୍ରମୁଖ ବିଦ୍ୟାଳୟ ଶିକ୍ଷକ-ଶିକ୍ଷୟିତ୍ରୀ ତଥା କୋର୍ଟ କର୍ମଚାରୀ ଶଙ୍କର ନାରାୟଣ ସାହୁ, ରଣଜିତ ମାଝି, ବିନାୟକ କୁମାର ପତି ଉକ୍ତ ସଚେତନ କାର୍ଯ୍ୟକ୍ରମରେ ଉପସ୍ଥିତ ପୂର୍ବକ ଚାରା ରୋପଣ କରିଥିଲେ।
Comments are closed.