ଗଞ୍ଜାମ : ଗଞ୍ଜାମ ବ୍ଲକ ଅନ୍ତର୍ଗତ ସନ୍ତୋଷପୁର ପଞ୍ଚାୟତର ସାନ ଗୋପାଳପୁର ଛକରେଥିବା ଯାତ୍ରୀ ବିଶ୍ରାମଗାରଟି ବିପଦସଂକୁଳ ଅବସ୍ଥାରେ ରହିଛି । ଯାହା ଦ୍ବାରା ଲୋକଙ୍କ ପାଇଁ ବିପଦ ଆଶଙ୍କା ରହିଥିବା ଦେଖିବାକୁ ମିଳିଛି । ପ୍ରତ୍ୟେହ ଏହି ବିଶ୍ରାମଗାର ଦେଇ ସ୍ଥାନୀୟ ଅଂଚଳର ଯାତ୍ରୀମାନେ ବିଭିନ୍ନ ସ୍ଥାନକୁ ଯିବା ବେଳେ ଯାତ୍ରୀବାହୀ ଯାନବାହାନକୁ ସେଠାରେ ଅପେକ୍ଷା କରିଥାନ୍ତି। ହେଲେ ଉକ୍ତ ବିଶ୍ରାମଗାରଟିର ଛାତରୁ ସିମେଣ୍ଟ ପଲସ୍ତରା ଖସୁଥିବା ଲକ୍ଷ କରାଯାଉଛି। ଫଳରେ ଏହା ଯାତ୍ରୀଙ୍କ ଜୀବନ ପ୍ରତି ବିପଦ ସୃଷ୍ଟି କରୁଛି। ଅନ୍ୟପଟେ ସେହି ସ୍ଥାନରେ ସ୍ଥାନୀୟ ଅଞ୍ଚଳର ବରିଷ୍ଠ ନାଗରିକ ମାନେ ମଧ୍ୟ ବେଳେ ବେଳେ ବିଶ୍ରାମ ନେଇଥାନ୍ତି । ସେହି ବିପଦ ସଂକୁଳ ଯାତ୍ରୀ ବିଶ୍ରାମଗାରର ପୁନଃରୁଦ୍ଧାର ନେଇ ସ୍ଥାନୀୟ ଅଞ୍ଚଳବାସୀଙ୍କ ପକ୍ଷରୁ ଦାବୀ ହେଉଛି ।
Popular Categories
Previous article
Next article