କଲ୍ୟାଣସିଂହପୁର : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ବୁଡ଼ାଗୁଡା ପଞ୍ଚାୟତର କୁମ୍ଭାରଗୁଡା ଛକରେ ଅଟୋକୁ ଅଭରଟେକ କରି ଏକ ବାଇକ୍ ଭାରସାମ୍ୟ ହରାଇ ଖସିପଡିଥିବାବେଳେ ପଛରେ ଥିବା ଅଟୋ ବାଇକକୁ ଧକ୍କା ହେବ ବୋଲି ବ୍ରେକ ମାରିବାରୁ ଓଲଟି ୭ଜଣ ଆହତ ହୋଇଥିବା ଜଣାପଡିଛି । ସୂଚନା ଅନୁଯାୟୀ ଆଜି ମଧ୍ୟାହ୍ନରେ ଏକ ବାଇକରେ ନାଗେଶ୍ୱର କଞ୍ଜ।କା ଭଉଣୀ ଇଲାଇ କାଡ୍ରାକା, ଶିଶୁ ଚନ୍ଦରୁକାଡ୍ରାକା ଓ ତ୍ରିନାଥକାଡ୍ରାକା, ଶିକରପାଇ ପଞ୍ଚାୟତର ଚିଛିମି ଠାରୁ କରପା ପଞ୍ଚାୟତ ର ପେଟିଲିଗୁଡା ଆସୁଥିବା ବେଳେ ଆଗରେ ଥିବା ଏକ ଅଟୋ ୫ଜଣ ଯାତ୍ରୀକୁ ନେଇ ମାଝୀଗୁଡା ପଞ୍ଚାୟତର ବାଲିପଦର ଯାଉଥିଲା । ତାହାକୁ ବାଇକ ଚାଳକ ଅଭର ଟେକ କରି କୁମ୍ଭାରଗୁଡା ଛକ ଠାରେ ୪ଜଣ ପଡି ଖଣ୍ଡିଆ ଖାବରା ହୋଇଛନ୍ତି । ଉକ୍ତ ବାଇକକୁ ଅଟୋ ଲାଗିଯିବ ବୋଲି ଅଟୋ ଚାଳକ ବ୍ରେକ ଧରିବା ବେଳେ ଅଟୋଟି ଓଲଟି ପଡିଥିଲା । ସେଥିରେ ବସିଥିବା ୫ଜଣ ମଧ୍ୟରୁ ସୁରେନ୍ଦ୍ର କୌଶଲ୍ୟା (୬୫) ଭାସ୍କର ନାଏକ(୩୪)ଙ୍କୁ ଆହତ ହୋଇଛନ୍ତି । ଏହାକୁ ସଙ୍ଗେସଙ୍ଗେ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଆଣି ଭର୍ତ୍ତି କରିଥିଲେ । ଏହାର ଡାକ୍ତର ପାର୍ଥ ସାହୁଙ୍କୁ ପ୍ରାଥମିକ ଚିକିତ୍ସା କରି ଗୁରୁତର ନାଗେଶ୍ୱରକଞ୍ଜ।କାକୁ ରାୟଗଡା ପଠାଇଥିବା ଜଣାପଡିଛି ।ଅଟୋ ଚାଳକକୁ ପୁଲିସ ଅଟକ ରଖି ପଚରାଉଚରା କରୁଥିବା ଜଣାପଡିଛି ।
Comments are closed.