ଓଭାଲ୍ : ଫାଇନାଲରେ ଭାରତକୁ ହରାଇ ଅଷ୍ଟ୍ରେଲିଆ ବିଶ୍ବ ଟେଷ୍ଟ ଚମ୍ପିଆନ୍ ହୋଇପାରିଛି। ଫଳରେ ବିଶ୍ବର ପ୍ରଥମ ଦଳ ଭାବେ ଅଷ୍ଟ୍ରେଲିଆ ସମସ୍ତ ୪ଟିଯାକ ଆଇସିସି ଟ୍ରଫି ଜିତି ଇତିହାସ ପ୍ରତିଷ୍ଠା କରିଛି। କେବଳ ଏତିକି ନୁହେଁ; କ୍ରିକେଟ୍ ଇତିହାସରେ ଅଷ୍ଟ୍ରେଲିଆ ବିଶ୍ବରେ ସଫଳତମ ଦଳ ହୋଇପାରିଛି। ଅଷ୍ଟ୍ରେଲିଆ ଦଳ ୫ ଥର ଦିନିକିଆ ବିଶ୍ବକପ୍ ଜିତିଥିବା ବେଳେ ଥରେ ଟ୍ବେଣ୍ଟି୨୦ ବିଶ୍ବକପ୍, ଥରେ ବିଶ୍ବ ଟେଷ୍ଟ ଚମ୍ପିଆନ୍ସିପ୍ ଏବଂ ୨ ଥର ଚମ୍ପିଆନ୍ସ ଟ୍ରଫି ଜିତିପାରିଛି। ବିଶ୍ବର କୌଣସି ଦଳ ଅଷ୍ଟ୍ରେଲିଆ ପରି ୯ଟି ଆଇସିସି ଟ୍ରଫି ଜିତିନାହିଁ। ଫାଇନାଲରେ ଯଦି ଭାରତ ବିଜୟୀ ହୋଇଥାଆନ୍ତା; ଏହା ମଧ୍ୟ ବିଶ୍ବର ପ୍ରଥମ ଦଳ ଭାବେ ସମସ୍ତ ଆଇସିସି ଟ୍ରଫି ଜିତିବାର କୃତିତ୍ବ ହାସଲ କରିଥାଆନ୍ତା। ଭାରତ ୨ ଥର ଦିନିକିଆ ବିଶ୍ବକପ୍, ୨ ଥର ଚମ୍ପିଆନ୍ସ ଟ୍ରଫି ଓ ଥରେ ଟ୍ବେଣ୍ଟି୨୦ ବିଶ୍ବକପ୍ ଜିତିଛି।
Comments are closed.