ଆଠଗଡ: ଆଠଗଡ ପୁଲିସ ପକ୍ଷରୁ ବେଆଇନ ଭାବେ ଚାଲାଣ ହେଉଥିବା ବହୁ ପରିମାଣରେ ବାଣ ଜବତ କରାଯାଇଥିବା ଜଣାପଡିଛି । ଦୀପାବଳିକୁ ଦୃଷ୍ଟିରେ ରଖି ଆଇଆଇସି ଅନିରୁଦ୍ଧ ମୁଦୁଲି ଓ ଉପନିରୀକ୍ଷକ ସମ୍ଭୁତି ପଣ୍ଡାଙ୍କ ସମେତ ଅନ୍ଯ ପୁଲିସ କର୍ମଚାରୀ ଯାଞ୍ଚ କରୁଥିବା ସମୟରେ ଆଠଗଡ-ଧବଳେଶ୍ଵର ରାସ୍ତାର ସହର ମଧ୍ଯସ୍ଥ କନ୍ତୋଲଠାରେ ଏକ ସ୍କୁଟି ସହ ଚାଲାଣ ହେଉଥିବା ବାଣ ଜବତ କରିଥିଲେ ।
କଟକ ଜିଲାର ଟାଙ୍ଗି କୋଟସାହିର ବିକ୍ରମ ମହାନ୍ତିଙ୍କ ପୁଅ ସୁନିଲ ମହାନ୍ତି(୩୩) ପୁରୁଣା ତିଗିରିଆରୁ ଏହି ବାଣ ନେଇ ଟାଙ୍ଗି ଯାଉଥିଲେ । ଜବତ ବାଣର ଆନୁମାନିକ ମୂଲ୍ଯ ୮-୧୦ ହଜାର ଟଙ୍କା ହେବ ବୋଲି ପୁଲିସ ସୂତ୍ରରୁ ପ୍ରକାଶ। ବାଣ ଚାଲାଣ କରୁଥିବା ସୁନିଲ ମହାନ୍ତିଙ୍କୁ ଥାନାରେ ଅଟକ ରଖାଯିବା ସହ ପୁଲିସ ନିଜ ପକ୍ଷରୁ ଏକ ମାମଲା ରୁଜୁ କରି ଅଧିକ ତଦନ୍ତ ଜାରି ରଖିଛି ।
Comments are closed.