ଆଠଗଡ: ଆଠଗଡ ବିଧାୟକ ତଥା କୃଷିମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ଆଠଗଡ ନିର୍ବାଚନ ମଣ୍ଡଳି ପାଇଁ ଏକ ‘ମୋ ଅଭିଯୋଗ ପୋର୍ଟାଲ’ର ଶୁଭାରମ୍ଭ କରିଛନ୍ତି। ସ୍ଥାନୀୟ ବିଜୁ ପଟ୍ଟନାୟକ କଲ୍ୟାଣ ମଣ୍ଡପଠାରେ ସୋମବାର ଏହି ମୋ ଅଭିଯୋଗ ପୋର୍ଟାଲକୁ ଲୋକାର୍ପଣ କରିବା ସହ ଉଦ୍ବୋଧନ ଦେଇ ଏହା ନିର୍ବାଚନ ମଣ୍ଡଳିର ବିଭିନ୍ନ ଗ୍ରାମାଞ୍ଚଳର ବିଶେଷକରି ଦୂରଦୁରାନ୍ତର ଲୋକମାନେ ତାଙ୍କର ବ୍ୟକ୍ତିଗତ ଏବଂ ସାମୁହିକ ସମସ୍ୟାଗୁଡିକୁ ନିଜେ ନଆସି ଏହି ପୋର୍ଟାଲ ମାଧ୍ୟମରେ ଲିଖିତ ଅଭିଯୋଗ କରିପାରିବେ ବୋଲି ସୂଚନା ଦେଇଥିଲେ।
ଘରେ ବସି ନିଜ ମୋବାଇଲର ଏହି ପୋର୍ଟାଲ ଡାଉନଲୋଡ କରି କ୍ୟୁଆର ସ୍କାନ ମାଧ୍ୟମରେ ଗ୍ରାମର ସାମୁହିକ ସମସ୍ୟା ଏବଂ ନିଜର ବ୍ୟକ୍ତିଗତ ସମସ୍ୟା ସଂପର୍କୀତ ଅଭିଯୋଗ କରିପାରିବେ। ଫଳରେ ଲୋକଙ୍କର ଦୂରଦୁରାନ୍ତରୁ ଅଯଥା ଯିବାଆସିବା ଦରକାର ପଡିବ ନାହିଁ ବୋଲି ମନ୍ତ୍ରୀ ଶ୍ରୀ ସ୍ୱାଇଁ କହିବା ସହ ଲୋକଙ୍କର ଅଭିଯୋଗ ଗୁଡିକୁ ତୁରନ୍ତ ଶୁଣାଣୀ କରି ସମାଧାନ ପାଇଁ ପଦକ୍ଷେପ ନିଆଯିବ ବୋଲି ପ୍ରକାଶ କରିଥିଲେ।
ଏହି କାର୍ଯ୍ୟକ୍ରମରେ ଆଠଗଡ ଓ ତିଗିରିଆ ବ୍ଲକ ୨ଟିର ଅଧ୍ୟକ୍ଷ, ଉପାଧ୍ୟକ୍ଷ, ସମସ୍ତ ଜିଲା ପରିଷଦ ସଭ୍ୟ, ସରପଞ୍ଚ ସମତିସଭ୍ୟ ଓ ବିଜୁ ଜନତା ଦଳର ପଦାଧିକାରୀମାନେ ଯୋଗଦେଇଥିଲେ।
Comments are closed.