ଆଠଗଡ: ଆଠଗଡସ୍ଥିତ ଗୋପବନ୍ଧୁ ବିଜ୍ଞାନ ମହାବିଦ୍ୟାଳୟର ରୋଭର୍ସ ଓ ରେଞ୍ଜର୍ସ ଦ୍ୱାରା ଶିଶୁଦିବସର ଅବ୍ୟବହିତ ପୂର୍ବରୁ କଲେଜ ପରିସର, ବରପୁତ୍ରଙ୍କ ପ୍ରତିମୂର୍ତ୍ତି ଓ ନିକଟବର୍ତ୍ତୀ ଜଳାଶ୍ରୟ ଆଦିକୁ ବ୍ୟାପକ ସଫେଇ କରାଯାଇଛି। ରେଞ୍ଜର ଲିଡର ଅଧ୍ୟାପିକା ଡଃ ସୁରେଖା ଦାସ, ରୋଭର ଲିଡର ଅଧ୍ୟାପକ ପ୍ରଣବ ଦାସ ଏବଂ ସହକାରୀ ରୋଭର ସ୍କାଉଟ ଲିଡର ଶୁଭଦର୍ଶନ ମହାପାତ୍ର ଓ ସହକାରୀ ରେଞ୍ଜର ଲିଡର ପ୍ରଜ୍ଞାପାରମିତା ସାହୁଙ୍କ ନେତୃତ୍ୱରେ କଲେଜର ରେଞ୍ଜର ଓ ରୋଭର ଛାତ୍ରଛାତ୍ରୀ ଦୀର୍ଘ ସମୟ ଧରି ସଂପୂର୍ଣ୍ଣ କଲେଜ ପରିସର ସଫେଇ କରିବା ସହ ନିକଟବର୍ତ୍ତୀ ଅଞ୍ଚଳରେ ଥିବା ଏକ ପୋଖରୀର ଚତୁଃପାର୍ଶ୍ବ ସଫେଇ କରିଥିଲେ। ଏଥି ସହିତ କଲେଜ ପରିସରରେ ପ୍ରତିଷ୍ଠିତ ଉତ୍କଳମଣି ପଣ୍ଡିତ ଗୋପବନ୍ଧୁ ଓ ପଦ୍ମଭୂଷଣ ଡଃ ରାଧାନାଥ ରଥଙ୍କ ପ୍ରତିମୂର୍ତ୍ତୀ ଏବଂ ଚତୁଃପାର୍ଶ୍ବକୁ ମଧ୍ୟ ସଫେଇ କରିଥିଲେ।
Popular Categories
Previous article
Next article