ଗୌହ୍ୱାଟୀ: ଆସାମରେ ଏନ୍ଆରସି ତାଲିକା ପ୍ରକାଶ ପାଇବା ପରେ ଉତ୍ତର-ପୂର୍ବ ଭାରତ କ୍ରମଶଃ ଅଶାନ୍ତ ହେବାରେ ଲାଗିଛି। ତାଲିକାରୁ ବାଦ୍ ପଡ଼ିଥିବା ଅନେକ ବାଂଲାଦେଶୀ ଅନୁପ୍ରବେଶକାରୀ ବିତାଡ଼ିତ ହେବା ଭୟରେ ପଡ଼ୋଶୀ ରାଜ୍ୟକୁ ଚାଲିଯାଉଥିବା ଦେଖାଯାଉଛି। ଏନ୍ଆରସି ଏକ ଚିଠା ତାଲିକା ବୋଲି କେନ୍ଦ୍ର ସରକାର ସ୍ପଷ୍ଟ କରିଥିଲେ ମଧ୍ୟ ଲୋକଙ୍କ ମନରୁ ଭୟ ଦୂର ହୋଇନି।
ଆସାମରୁ ଶହ ଶହ ସଂଖ୍ୟାରେ ଅନୁପ୍ରବେଶକାରୀମାନେ ମେଘାଳୟ ଓ ନାଗାଲ୍ୟାଣ୍ଡକୁ ଯାଉଥିବା ବେଳେ ସେଠାକାର ପୁଲିସ ଓ କେତେକ ଛାତ୍ର ସଂଗଠନ ସେମାନଙ୍କୁ ସୀମାରୁ ତଡ଼ି ଦେଉଥିବା ଦେଖାଯାଉଛି।
ନାଗାଲାଣ୍ଡ ସୀମାରେ ଆସାମକୁ ସଂଯୋଗ କରୁଥିବା ସମସ୍ତ ସଡ଼କ ପଥ ଓ ରେଳ ଷ୍ଟେସନ୍ରେ ନାଗାଲାଣ୍ଡ ପୁଲିସ୍ ପକ୍ଷରୁ ଚେକ୍ପୋଷ୍ଟ ସ୍ଥାପନା କରାଯାଇଛି। ରାଜ୍ୟ ବାହାରର କୌଣସି ବ୍ୟକ୍ତିଙ୍କୁ ବିନା ପରିଚୟପତ୍ରରେ ପ୍ରବେଶ କରିବା ପାଇଁ ଅନୁମତି ଦିଆଯାଉନାହିଁ। ଏପରିକି ବାହାର ରାଜ୍ୟରୁ ଆସୁଥିବା ପର୍ଯ୍ୟଟକଙ୍କୁ ମଧ୍ୟ ପ୍ରବେଶ ଅନୁମତି ମିଳିନାହିଁ। ଏ ସମ୍ପର୍କରେ ନାଗାଲାଣ୍ଡ ମୁଖ୍ୟ ସଚିବ ଟେମଜେନ୍ ଟଏ କହିଛନ୍ତି ଯେ ଆସାମ ସରକାରଙ୍କ ସହିତ ଏ ପ୍ରସଙ୍ଗରେ କୌଣସି ଆଲୋଚନା ହୋଇନାହିଁ। ତେଣୁ ରାଜ୍ୟକୁ ଆସୁଥିବା ବାହାର ବ୍ୟକ୍ତିଙ୍କ ଭୋଟର ପରିଚୟ ପତ୍ର କିମ୍ବା ରାସନ କାର୍ଡ କିମ୍ବା ଆଧାର କାର୍ଡ ଯାଞ୍ଚକୁ କଡ଼ାକଡ଼ି କରାଯାଇଛି।
ସେହିଭଳି ମେଘାଳୟକୁ ଯାଉଥିବା ପ୍ରାୟ ୧୦୦୦ ଅନୁପ୍ରବେଶକାରୀଙ୍କୁ ସେଠାକାର ଖାସି ଷ୍ଟୁଡେଣ୍ଡ ୟୁନିୟନର ସଦସ୍ୟମାନେ ଫେରାଇ ଦେଇଛନ୍ତି। ୟୁନିୟନ ପକ୍ଷରୁ ବିଭିନ୍ନ ସ୍ଥାନରେ ଚେକପୋଷ୍ଟ କରାଯାଇ କଡ଼ା ପହରା ଦିଆଯାଉଛି।
ଆସାମ ଏନଆରସି ପ୍ରଭାବ: ପଡ଼ୋଶୀ ରାଜ୍ୟ ସୀମା ସିଲ୍
Popular Categories
Previous article
Next article