ମହାରାଷ୍ଟ୍ର କଂଗ୍ରେସକୁ ବଡ଼ ଝଟ୍କା; ଇସ୍ତଫା ଦେଲେ ପୂର୍ବତନ ମୁଖ୍ୟମନ୍ତ୍ରୀ ଅଶୋକ ଚୌହାନ
ମୁମ୍ବଇ: ଲୋକସଭା ନିର୍ବାଚନ ପୂର୍ବରୁ କଂଗ୍ରେସକୁ ପୁଣି ଏକ ବଡ଼ ଝଟ୍କା ଲାଗିଛି। ବରିଷ୍ଠ କଂଗ୍ରେସ ନେତା ତଥା ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଅଶୋକ ଚୌହାନ ସୋମବାର ଦଳରୁ ଇସ୍ତଫା ଦେଇଛନ୍ତି। ରାଜ୍ୟ କଂଗ୍ରେସ ସଭାପତି ନାନା ପଟୋଲେଙ୍କୁ ଲେଖିଥିବା ପତ୍ରରେ ଚୌହାନ (୬୫) କହିଛନ୍ତି ଯେ, ସେ ସର୍ବପୁରାତନ ଦଳ ଛାଡୁଛନ୍ତି। ସେ ବିଧାନସଭା ବାଚସ୍ପତି ରାହୁଲ ନର୍ୱେକରଙ୍କୁ ମଧ୍ୟ ତାଙ୍କ ବିଧାୟକ ପଦରୁ ଇସ୍ତଫା ପତ୍ର ପ୍ରଦାନ କରିଛନ୍ତି।
ସୂଚନାନୁସାରେ, ଅଶୋକ ଚୌହାନ ବିଜେପିରେ ଯୋଗଦେବାକୁ ସ୍ଥିର କରିଛନ୍ତି। ଚଭନ କଂଗ୍ରେସ ଉପରେ ଅସନ୍ତୁଷ୍ଟ ଥିଲେ ଏବଂ ଏହି କାରଣରୁ ସେ ଇସ୍ତଫା ଦେଇଥିବା କୁହାଯାଉଛି।
ସୂଚନାଯୋଗ୍ୟ, କଂଗ୍ରେସ ନେତା ତଥା ମହାରାଷ୍ଟ୍ରର ପୂର୍ବତନ ମନ୍ତ୍ରୀ ବାବା ଜିଆଉଦ୍ଦିନ ସିଦ୍ଦିକି ମଧ୍ୟ ନିକଟରେ ଦଳରୁ ଇସ୍ତଫା ଦେଇଛନ୍ତି। ସିଦ୍ଦିକି ମୁମ୍ବଇରେ କଂଗ୍ରେସର ଜଣେ ପ୍ରମୁଖ ସଂଖ୍ୟାଲଘୁ ଚେହେରା ଥିଲେ, ଯିଏକି କଂଗ୍ରେସ-ଏନସିପି ମେଣ୍ଟ ସରକାରରେ ମନ୍ତ୍ରୀ ମଧ୍ୟ ଥିଲେ। ଏଥିସହ ପୂର୍ବତନ କେନ୍ଦ୍ର ମନ୍ତ୍ରୀ ମିଲିନ୍ଦ ଦେଓରା ମଧ୍ୟ ନିକଟରେ କଂଗ୍ରେସରୁ ଅଲଗା ହୋଇ ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ନେତୃତ୍ୱାଧୀନ ଶିବସେନାରେ ସାମିଲ ହୋଇଛନ୍ତି।
Comments are closed.