ମୁମ୍ବଇ : ବଲିଉଡ ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନ ଓ ଅଭିନେତା ଅଭିଷେକ ବଚ୍ଚନ ଦୀର୍ଘ ୮ ବର୍ଷ ପରେ ଏକାଠି ଗୋଟିଏ ଚଳଚ୍ଚିତ୍ରରେ ନଜର ଆସିବେ। ପୂର୍ବରୁ ଐଶ୍ୱର୍ଯ୍ୟା ଓ ଅଭିଷେକ ୨୦୧୦ରେ ନିର୍ଦେଶକ ମଣି ରତ୍ନଙ୍କ ‘ରାବଣ’ ଚଳଚ୍ଚିତ୍ରରେ ଅଭିନୟ କରିଥିଲେ। ଏହାପରେ ସେମାନେ ଏକାଠି କୌଣସି ଚଳଚ୍ଚିତ୍ର ନଜର ଆସିନଥିଲେ। ମିଳିଥିବା ସୂଚନା ଅନୁସାରେ ଐଶ୍ୱର୍ଯ୍ୟା ଓ ଅଭିଷେକ ‘ଗୁଲାବ ଜାମୁନ’ ନାମକ ଏକ ଚଳଚ୍ଚିତ୍ରରେ ଏକାଠି ନଜର ଆସିବେ। ଏହି ଚଳଚ୍ଚିତ୍ରର ପ୍ରଯୋଜକ ଅନୁରାଗ କଶ୍ୟପ ଥିବା ବେଳେ ନିର୍ଦେଶନା ଦାୟିତ୍ୱ ଜଣେ ନୂତନ ନିର୍ଦେଶକଙ୍କୁ ଦିଆଯାଇଛି। ବର୍ତ୍ତମାନ ସୁଦ୍ଧା ଅଭିନେତ୍ରୀ ଐଶ୍ୱର୍ଯ୍ୟା ଓ ଅଭିଷେକ ଆଠଟି ଚଳଚ୍ଚିତ୍ର ଏକାଠି କରିସାରିଛନ୍ତି। ସୂଚନାଯୋଗ୍ୟ ଯେ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଆଗାମୀ ଚଳଚ୍ଚିତ୍ର ଫନେ ଖାନ ନିକଟରେ ମୁକ୍ତିଲାଭ କରିବାକୁ ଯାଉଛି।
