ନୂଆଦିଲ୍ଲୀ: ଶୁକ୍ରବାର ଅରୁଣାଚଳ ପ୍ରଦେଶରେ ଆର୍ମି ହେଲିକପ୍ଟର ଦୁର୍ଘଟଣାଗ୍ରସ୍ତ ହେବା ଘଟଣାରେ ୫ମ ଯବାନଙ୍କ ମୃତଦେହ ଉଦ୍ଧାର କରାଯାଇଛି । ଗତକାଲି ୪ଜଣ ଯବାନଙ୍କ ମୃତଦେହ ମିଳିଥିବା ବେଳେ ଆଜି ସକାଳୁ ସକାଳୁ ପଞ୍ଚମ ଯବାନଙ୍କ ମୃତଦେହ ଉଦ୍ଧାର କରାଯାଇଛି । ମିଳିଥିବା ସୂଚନା ଅନୁଯାୟୀ, ଦୁର୍ଘଟଣାର ଠିକ୍ ପୂର୍ବରୁ ବିମାନରେ ବୈଷୟିକ ତ୍ରୁଟି ରହିଥିବା କଥା ସାମ୍ନାକୁ ଆସିଛି । କୁହାଯାଉଛି ଯେ, ଦୁର୍ଘଟଣାର ଠିକ ପୂର୍ବରୁ ଏୟାର ଟ୍ରାଫିକ କଣ୍ଟ୍ରୋଲ (ଏଟିସି)କୁ ଜରୁରୀକାଳୀନ ଫୋନ୍ କଲ ଆସିଥିଲା । ଏଥିରେ ବିମାନରେ ଯାନ୍ତ୍ରିକ ତ୍ରୁଟି ବିଷୟରେ ଆଲୋଚନା ହୋଇଥିଲା ।
ବିମାନରେ ବୈଷୟିକ ତ୍ରୁଟିକୁ ନେଇ ତଦନ୍ତ କରାଯିବ ।
ବାସ୍ତବରେ ବିମାନ ଦୁର୍ଘଟଣା ସମ୍ପର୍କରେ ଜାଣିବା ପାଇଁ ସେନା ପକ୍ଷରୁ ଏକ କୋର୍ଟ ଅଫ୍ ଇନକ୍ୱାରୀ ଗଠନ କରାଯାଇଛି । ବିମାନ ଚଳାଚଳ ସମୟରେ ପାଗ ଭଲ ଥିବା ସେନା ପକ୍ଷରୁ କୁହାଯାଇଛି । ପାଇଲଟମାନଙ୍କର ଆଡଭାନ୍ସଡ ଲାଇଟ୍ ହେଲିକପ୍ଟର (ଅସ୍ତ୍ରଶସ୍ତ୍ର ସିଷ୍ଟମ ଇଣ୍ଟିଗ୍ରେଟେଡ୍) ରେ ୬୦୦ରୁ ଅଧିକ ମିଳିତ ବିମାନ ଘଣ୍ଟା ଏବଂ ସେମାନଙ୍କ ମଧ୍ୟରେ ୧୮୦୦ ରୁ ଅଧିକ ସେବା ଉଡ଼ାଣର ଅଭିଜ୍ଞତା ଥିଲା । ଏହି ହେଲିକପ୍ଟରଟି ଜୁନ୍ ୨୦୧୫ରେ ସେବାରେ ଅନ୍ତର୍ଭୁକ୍ତ କରାଯାଇଥିଲା ଜ୍ଝ
Comments are closed.