ନୂଆଦିଲ୍ଲୀ: ଭାରତ ଓ ପାକିସ୍ତାନ ମଧ୍ୟରେ ସମ୍ଝୌତା ଏକ୍ସପ୍ରେସ୍ ଚଳାଚଳ ବନ୍ଦ ହେବା ପରେ ପ୍ରାୟ ୫୦ ଜଣ ଭାରତୀୟ ପାକିସ୍ତାନରେ ଫଶି ରହିଥିବା ସୂଚନା ମିଳିଛି । ଏମାନେ ସବୁ ଗୁଜରାଟର ଗୋଧ୍ରା ଅଞ୍ଚଳର ବାସିନ୍ଦା ବୋଲି ଜଣାପଡିଛି । ପାକିସ୍ତାନରୁ ଫେରାଇ ଆଣିବା ପାଇଁ ସେମାନଙ୍କ ପରିବାରଲୋକ କେନ୍ଦ୍ର ସରକାରଙ୍କୁ ଅନୁରୋଧ କରିଛନ୍ତି ।
ସମାଜସେବୀ ହାଜି ଫିରଦୌସଙ୍କ କହିବା ଅନୁଯାୟୀ, ଗୋଧ୍ରାରେ ବାସ କରୁଥିବା ସଂଖ୍ୟାଲଘୁ ସମ୍ପ୍ରଦାୟର ପ୍ରାୟ ୮୦ ଜଣ ଲୋକ ନିଜ ସର୍ମ୍ପକୀୟମାନଙ୍କୁ ଭେଟିବା ପାଇଁ ପାକିସ୍ତାନ ଯାଇଥିଲେ । ପରେ ଭାରତ ଓ ପାକିସ୍ତାନ ମଧ୍ୟରେ ଟ୍ରେନ୍ ଚଳାଚଳ ସମ୍ପୂର୍ଣ୍ଣ ଭାବେ ବନ୍ଦ ହେବା କାରଣରୁ ସେମାନେ ସେଠାରେ ଫଶି ରହିଛନ୍ତି । ସେମାନଙ୍କୁ ପାକିସ୍ତାନରୁ ଫେରାଇ ଆଣିବାରେ କେନ୍ଦ୍ର ସରକାର ସାହାଯ୍ୟ କରୁନ୍ତୁ ବୋଲି ସେ ଅନୁରୋଧ କରିଛନ୍ତି ।
ସୂଚନାଯୋଗ୍ୟ, ସମ୍ଝୌତା ଏକ୍ସପ୍ରେସ୍ ଦିଲ୍ଲୀରୁ ଅଟାରୀ ସୀମା ଦେଇ ଲାହୋରରେ ପହଞ୍ଚିଥାଏ । ଏହି ଟ୍ରେନ୍ ସପ୍ତାହରେ ଦୁଇ ଥର ଭାରତରୁ ପାକିସ୍ତାନ ଯାଇଥାଏ । ୧୯୭୭ରେ ଦୁଇ ଦେଶ ମଧ୍ୟରେ ଶିମଲା ସମ୍ଝୌତା ଏକ୍ସପ୍ରେସ୍ ଚୁକ୍ତି ସ୍ବାକ୍ଷର ହେବା ପରେ ଭାରତ ଓ ପାକିସ୍ତାନ ମଧ୍ୟରେ ଟ୍ରେନ୍ ଚଳାଚଳ ଆରମ୍ଭ ହୋଇଥିଲା । କିନ୍ତୁ ଭାରତ ସରକାର କାଶ୍ମୀର ଉପରୁ ୩୭୦ ଧାରା ଉଚ୍ଛେଦ କରିବା ପରେ ପାକିସ୍ତାନ ସମ୍ଝୌତା ଏକ୍ସପ୍ରେସ୍ ଚଳାଚଳ ବନ୍ଦ କରିବାର ନିଷ୍ପତ୍ତି ନେଇଥିଲା।
