ସିବିଏସଇ ଜୋନାଲ ସ୍ତରୀୟ ତୀରନ୍ଦାଜ ପ୍ରତିଯୋଗିତା, କଳାହାଣ୍ଡିର ୬ ପ୍ରତିଯୋଗୀଙ୍କ କଲକତା ଗସ୍ତ

ଲାଞ୍ଜିଗଡ : ପଶ୍ଚିମବଙ୍ଗର ନଦିଆ ଜିଲ୍ଲା ଖରଦାପଡାସ୍ଥିତ ଚାଟାର୍ଜୀ ନୋବେଲେ ସ୍କୁଲରେ ଚଳିତ ୧୫ ତାରିଖରୁ ୧୬ ତାରିଖ ପର୍ଯ୍ୟନ୍ତ ସିବିଏସଇ ଜୋନସ୍ତରୀୟ ତୀରନ୍ଧାଜ ପ୍ରତିଯୋଗୀତା ଆୟୋଜିତ ହେବ। ଏଥିରେ ଭାଗ ନେବା ପାଇଁ କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ଡିଏଭି ବେଦାନ୍ତ ଇଣ୍ଟରନେସନାଲ ସ୍କୁଲର ୬ ଜଣ ପ୍ରତିଯୋଗୀ କଲକତା ଗସ୍ତ କରିଛନ୍ତି । ଏମାନଙ୍କ ମଧ୍ୟରେ ୧୭ ବର୍ଷରୁ କମ ବାଳକ ବିଭାଗରେ ହିତେଶ କୁମାର ମହାଖୁଡ, କ୍ଷୀରୋଦ କୁମାର ରହିଥିବା ବେଳେ ବାଳିକା ବିଭାଗରେ ସଙ୍ଗୀତା ମାଝୀ ଓ ପିଭି ଶ୍ରୀ ପୁଜିତା ରହିଛନ୍ତି। ସେହିପରି ୧୪ ବର୍ଷରୁ କମ୍ ବାଳକ ବିଭାଗରେ ଓମକାର ମାଝୀ ରହିଥିବା ବେଳେ ବାଳିକା ନିଭାଗରେ କଳ୍ପିତା ପ୍ରଧାନ ରହିଛନ୍ତି। ଏହି ଖେଳାଳି ମାନେ କୋଚ୍ ଶୀମାଞ୍ଚଜ କାଟ୍ରାକା ଓ ଶିକ୍ଷକ ପଲାସ ଚାଟାର୍ଜୀଙ୍କ ନେତୃତ୍ୱରେ କଲକତା ଗସ୍ତ କରିଛନ୍ତି।