କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଫେବୃଆରୀ ୭ରେ ସାଂସଦ ଅସାଉଦ୍ଦିନ ଓବେସିଙ୍କ କାର ଉପରକୁ ଗୁଳି ଚାଳନା ଘଟଣାରେ ସଂସଦରେ ଉତ୍ତର ଦେବେ। ମେରଟରୁ ଦିଲ୍ଲୀ ଅଭିମୁଖେ ଯାଉଥିବା ବେଳେ ଏକ ଟୋଲ ଗେଟ ନିକଟରେ ତାଙ୍କ କାର ଉପରକୁ ଗୁଳି ଚାଳନା କରାଯାଇଥିଲା।
ଉତ୍ତରପ୍ରଦେଶର ମେରଟରେ ଲୋକସଭା ସାଂସଦ ଅସାଉଦ୍ଦିନ ଓବେସିଙ୍କ କାର ଉପରେ ହୋଇଥିବା ଆକ୍ରମଣ ପରେ କେନ୍ଦ୍ର ସରକାର ଏଆଇଏମ୍ଆଇଏମ୍ ମୁଖ୍ୟଙ୍କ ସୁରକ୍ଷା ସମୀକ୍ଷା କରିଛନ୍ତି ଏବଂ ତାଙ୍କୁ ତୁରନ୍ତ ରିଜର୍ଭ ପୋଲିସ୍ ଫୋର୍ସର ଜେଡ ସ୍ଥରୀୟ ସୁରକ୍ଷା ଯୋଗାଇ ଦେଇଥିବା ଜଣାପଡିଛି। ତେବେ ଓବେସି ଶୁକ୍ରବାର ଦିନ ତାଙ୍କ ଉପରେ ହୋଇଥିବା ଆକ୍ରମଣ ପ୍ରସଙ୍ଗ ଉଠାଇ କହିଛନ୍ତି ଯେ ସେ ଜେଡ ସୁରକ୍ଷା ଚାହୁଁ ନାହାଁନ୍ତି ଏବଂ ଗୁଳି ଚାଳନା କରିଥିବା ଲୋକଙ୍କ ଉପରେ ବେଆଇନ କାର୍ଯ୍ୟକଳାପ (ପ୍ରତିରୋଧ) ଅଧିନିୟମ ଦାୟର କରିବାକୁ ସରକାରଙ୍କ ନିକଟରେ ଦାବି କରିଛନ୍ତି। ସେ କହିଛନ୍ତି, ‘ମୁଁ ମୃତ୍ୟୁକୁ ଭୟ କରେ ନାହିଁ, ମୁଁ ଜେଡ ବର୍ଗର ସୁରକ୍ଷା ଚାହୁଁ ନାହିଁ, ମୁଁ ଏହାକୁ ପ୍ରତ୍ୟାଖ୍ୟାନ କରୁଛି। ସେ କହିଛନ୍ତି ଯେ ମୋତେ ‘ଏ’ ବର୍ଗର ନାଗରିକ ହେବା ପାଇଁ ଦିଆଯାଉ।
