ଅଗରତାଲା/ଶିଲଂ/ନୂଆଦିଲ୍ଲୀ : ତ୍ରିପୁରାରେ ୨୫ ବର୍ଷର ବାମ ଗଡ଼କୁ ଭାଙ୍ଗି ପ୍ରଥମ ଥର ବିଜେପି ସରକାର ଗଢିବାକୁ ଯାଉଛି । ଏହାସହ ନାଗାଲାଣ୍ଡରେ ବି ବିଜେପି ଭଲ ସ୍ଥିତିରେ ରହିଛି । ମେଘାଳୟରେ କଂଗ୍ରେସ ସଂଖ୍ୟାଗରିଷ୍ଠତା ହାସଲ କରିଥିଲେ ବି ଏକାକୀ ସରକାର ଗଢିବା ସ୍ଥିତିରେ ନାହିଁ । ତେଣୁ ମେଘାଳୟରେ ଝୁଲା ସରକାର ହେବା ସ୍ପଷ୍ଟ ହୋଇଯାଇଛି । ତେବେ ଉତ୍ତର-ପୂର୍ବର ଏହି ୩ ରାଜ୍ୟରେ ବାମ ଦଳର ପ୍ରଦର୍ଶନ ନୈରାଶ୍ୟଜନକ ରହିଛି । ବିଜେପିର ଅଶାତୀତ ସଫଳତାକୁ ନେଇ ବିଭିନ୍ନ ମହଲରୁ ଅଭିନନ୍ଦର ସୁଅ ଛୁଟୁଛି । ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତି ଶାହା ୩ ରାଜ୍ୟର ବିଜେପି ସଭାପତିଙ୍କୁ ଅଭିନନ୍ଦନ ଜଣାଇଛନ୍ତି । ବାମପନ୍ଥୀ ଦେଶର କୌଣସି ସ୍ଥାନରେ ଶାସନ କରିବା ଠିକ୍ନୁହଁ ତାହା ଏଥିରୁ ସ୍ପଷ୍ଟ ହୋଇଯାଇଛି ବୋଲି ଅମିତ ଶାହା କହିଛନ୍ତି । ଅମିତ ଶାହା କହିଛନ୍ତି ଯେ ଏହା ନରେନ୍ଦ୍ର ମୋଦିଙ୍କ ଉତ୍ତର-ପୂର୍ବ ନୀତିର ବିଜୟ । ୨୦୧୪ ସମୟରେ ପଶ୍ଚିମ ପଟ ରାଜ୍ୟଗୁଡ଼ିକର ବିକାଶ ଓ ଉତ୍ତର-ପୂର୍ବ ରାଜ୍ୟର ବିକାଶ ମଧ୍ୟରେ ପ୍ରଭେଦ ଦେଖିବାକୁ ମିଳିଥିଲା । ଏହାକୁ ଦୂର କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉତ୍ତର-ପୂର୍ବର ବିକାଶ ପାଇଁ ଏକ ନୀତି ଆରମ୍ଭ କରିଥିଲେ । ଏହି ନୀତିର ସଫଳତା ପୂର୍ବକ ନିର୍ବାଚନରେ ବହୁମତ ମିଳିଛି । ତ୍ରିପୁରାରେ ବିଜେପି ବହୁମତ ପାଇଥିଲେ ବି କ୍ୟାବିନେଟରେ ସହଯୋଗୀ ଦଳଙ୍କୁ ସୁଯୋଗ ଦିଆଯିବ । ବାମ ଦଳ ଗୁଡ଼ିକ ଦେଶର କୌଣସି ଅଂଶରେ ବି ଶାସନରେ ରହିବା ଠିକ୍ ନୁହେଁ ବୋଲି ସ୍ପଷ୍ଟ ହୋଇଯାଇଛି । ଓଡ଼ିଶା, ପଶ୍ଚିମବଙ୍ଗ ଓ କେରଳରେ ବିଜେପି ଜିତିଲେ ଦଳର ସ୍ୱର୍ଣ୍ଣିମ ସମୟ ଆରମ୍ଭ ହେବ। କର୍ଣ୍ଣାଟକ ବିଧାନସଭା ନିର୍ବାଚନେର ବିଜେପି ଜିତିବ ବୋଲି ସେ ଦୃଢୋକ୍ତି ପ୍ରକାଶ କରିଥିଲେ । ପ୍ରକାଶ ଯେ ଉତ୍ତର-ପୂର୍ବର ୩ ରାଜ୍ୟ ମେଘାଳୟ, ନାଗାଲାଣ୍ଡ ଏବଂ ତ୍ରିପୁରା ବିଧାନସଭା ନିର୍ବାଚନର ଫଳାଫଳ ଚିତ୍ର ଏବେ ସ୍ପଷ୍ଟ ହୋଇଯାଇଛି । ତ୍ରିପୁରାରେ ଭାରତୀୟ ଜନତା ପାର୍ଟି (ବିଜେପି) ୨୫ ବର୍ଷର ବାମ ଗଡ଼କୁ ଭାଙ୍ଗି ବହୁମତ ସହ ସରକାର ଗଢିବାକୁ ଯାଉଛି । ସେହିପରି ନାଗାଲାଣ୍ଡରେ ବିଜେପିବି ଭଲ ସ୍ଥିତିରେ ରହିଛି । ମେଘାଳୟରେ କଂଗ୍ରେସ ଏବଂ ଏନପିପି ମଧ୍ୟରେ କଡ଼ା ପ୍ରତିଦ୍ୱନ୍ଦ୍ୱିତା ଚାଲିଛି ।
Popular Categories
Previous article
Next article