୧୦୭ ବର୍ଷର ରେକର୍ଡ ଭାଙ୍ଗିଲା ଆମେରିକାର ଡେଥ୍ ଭ୍ୟାଲିର ତାପମାତ୍ରା, ରବିବାର ୧୩୪ ଡିଗ୍ରୀ ଫାହରେନ୍ହାଇଟ୍ ରେକର୍ଡ
କାଲିଫର୍ନିଆ : ରବିବାର ପୃଥିବୀର ସର୍ବୋଚ୍ଚ ତାପମାତ୍ରା ରେକର୍ଡ କରାଯାଇଛି। କାଲିଫର୍ନିଆର ଡେଥ୍ ଭ୍ୟାଲିର ତାପମାତ୍ରା ୧୩୪ ଡିଗ୍ରୀ ଫାହରେନ୍ହାଇଟ୍ ରେ ପହଞ୍ଚିଛି। ଆମେରିକାର ଜାତୀୟ ପାଣିପାଗ ବିଭାଗ ରବିବାର ଦିନ ୩ଟା ୪୧ରେ ଏହି ତାପମାତ୍ରା ରେକର୍ଡ କରିଛି। ପାଣିପାଗ ବିଭାଗ ଟ୍ୱିଟ୍ କରି କହିଛି ଯେ, ଗତ ବର୍ଷ ଅଗଷ୍ଟ ମାସ ତୁଳନାରେ ଚଳିତ ବର୍ଷ ଡେଥ୍ ଭ୍ୟାଲିର ତାପମାତ୍ରା ତିନି ଡିଗ୍ରୀ ଅଧିକ ରେକର୍ଡ କରାଯାଇଛି। ଡେଥ୍ ଭ୍ୟାଲି ହେଉଛି ପୂର୍ବ କାଲିଫର୍ନିଆରେ ଅବସ୍ଥିତ ଏକ ମରୁଭୂମି। ଏହା ମୋଜାଭେ ମରୁଭୂମିରେ ଅବସ୍ଥିତ ଏବଂ ଉତ୍ତର ଆମେରିକାର ସର୍ବନିମ୍ନ, ଶୁଷ୍କ ଏବଂ ଗରମ ସ୍ଥାନ।
ବିଶ୍ୱ ପାଣିପାଗ ସଂଗଠନର ମୁଖ୍ୟ ରାଣ୍ଡି ସର୍ଭାନି କହିଛନ୍ତି ଯେ ମୁଁ ଏପର୍ଯ୍ୟନ୍ତ ଦେଇଥିବା ସମସ୍ତ ତଥ୍ୟ ଏକ ସଠିକ୍ ଯାଞ୍ଚ ଉପରେ ଆଧାରିତ। ୱାଶିଂଟନ୍ ପୋଷ୍ଟକୁ ଏକ ଇମେଲରେ ସେ ଲେଖିଛନ୍ତି ଯେ ମେଟ୍ରୋଲୋଜିକାଲ୍ ସଂଗଠନ ତରଫରୁ ଏହି ସର୍ଭେକୁ ପ୍ରଥମେ ଗ୍ରହଣ କରିବାକୁ ମୁଁ ସୁପାରିଶ କରୁଛି। ସେ କହିଛନ୍ତି ଯେ ଆସନ୍ତା ସପ୍ତାହରେ ଆମେ ଜାତୀୟ ଜଳବାୟୁ ଚରମ କମିଟି ସହିତ ସବିଶେଷ ତଥ୍ୟ ଅନୁସନ୍ଧାନ କରିବୁ।
ଡେଥ୍ ଭ୍ୟାଲିର ସର୍ବୋଚ୍ଚ ତାପମାତ୍ରା ୧୩୦ ଡିଗ୍ରୀ ଫାହରେନ୍ହାଇଟ୍ ୧୯୧୩ରେ ଜୁଲାଇ ୧୦ରେ ରେକର୍ଡ କରାଯାଇଥିଲା। ବିଶେଷଜ୍ଞମାନେ ବର୍ଷ ବର୍ଷ ଧରି ଏହି ରେକର୍ଡକୁ ବିଶ୍ବାସ କରିପାରିନଥିଲେ। ଖ୍ରୀଷ୍ଟୋଫର୍ ବର୍ଟ ୨୦୧୯ରେ ଏହି ରେକର୍ଡର ଏକ ବିସ୍ତୃତ ସମୀକ୍ଷା କରିଥିଲେ। ପାଣିପାଗ ତଥ୍ୟ ବିଶେଷଜ୍ଞ ଖ୍ରୀଷ୍ଟୋଫର୍ କହିଛନ୍ତି ଯେ, ୧୯୩୧ ଜୁଲାଇ ୭ରେ କେବିଲି ଏବଂ ଟ୍ୟୁ ନିଶିଆର ତାପମାତ୍ରା ୧୩୧ ଡିଗ୍ରୀ ଫାହରେନ୍ହାଇଟ୍ ରେକର୍ଡ କରାଯାଇଥିଲା।
Comments are closed.