ନୂଆଦିଲ୍ଲୀ: ମୁଖ୍ୟମନ୍ତ୍ରୀ ଉଦ୍ଧବ ଠାକରେ ମହାରାଷ୍ଟ୍ର ପାଇଁ ବଡ଼ ବିପଦ ଭାବେ ଉଭା ହୋଇଛନ୍ତି ବୋଲି ଅମରାବତୀର ସାଂସଦ ନବନୀତ ରାଣା କହିଛନ୍ତି । ଶନିବାର ନବନୀତ ଓ ତାଙ୍କ ସ୍ବାମୀ ରବି ରାଣା ଦିଲ୍ଲୀ କନଟପ୍ଲେସ୍ସ୍ଥିତ ମନ୍ଦିରରେ ହନୁମାନ ଚାଳିଶା ପାଠ କରିବା ପରେ ଗଣମାଧ୍ୟମକୁ ସମ୍ବୋଧନ କରି ଏପରି ଅଭିଯୋଗ କରିଛନ୍ତି। ସେ କହିଛନ୍ତି ଯେ ମହାରାଷ୍ଟ୍ରର ରିଷ୍ଟ ଖଣ୍ଡନ କରିବା ନିମନ୍ତେ ସେ ଏଠାରେ ହନୁମାନ ଚାଳିଶା ପାଠ କରିଛନ୍ତି। କ୍ଷମତା ହାସଲ ପାଇଁ ଶିବସେନା ନିଜର ହିନ୍ଦୁତ୍ବ ବିଚାରଧାରାକୁ ପଛରେ ପକାଇ ଦେଇଛି। କଂଗ୍ରେସ ଓ ଏନସିପି ସହିତ ହାତ ମିଳାଇ ଉଦ୍ଧବ ତାଙ୍କ ପିତା ବାଲାସାହେବ ଠାକରେଙ୍କ ନୀତିକୁ ଭୁଲି ଯାଇଛନ୍ତି। ମୁଖ୍ୟମନ୍ତ୍ରୀ ଉଦ୍ଧବଙ୍କ ବାସଭବନ ସମ୍ମୁଖରେ ହନୁମାନ ଚାଳିଶା ପାଠ କରିବାକୁ ଘୋଷଣା କରି ରାଣା ଦମ୍ପତି ବିବାଦରେ ପଡିଥିଲେ। ଏଥିପାଇଁ ତାଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ ହେବା ସହ ଗିରଫ କରାଯାଇଥିଲା। ୧୨ଦିନ ଜେଲ୍ରେ ରହିବା ପରେ ସ୍ବାମୀ-ସ୍ତ୍ରୀ ଜାମିନରେ ବାହାରିଛନ୍ତି।
Popular Categories
Previous article
Next article