ଅଲଜିଆର୍ସ: ୩୦୦ରୁ ଊର୍ଦ୍ଧ୍ବ ସେନା ଅଧିକାରୀଙ୍କୁ ନେଇ ଗସ୍ତ କରୁଥିବା ଆଲଜେରିଆ ସେନା ବିମାନ ଅଲଜିଆର୍ସ ନିକଟରେ ଦୁର୍ଘଟଣାଗସ୍ତ ହୋଇଛି। ଏହି ଦୁର୍ଘଟଣାରେ ଏକାଧିକ ସେନା ଅଧିକାରୀ ପ୍ରାଣ ହରାଇଥିବା ସନ୍ଦେହ କରାଯାଉଛି। ରାଜଧାନୀ ଅଲଜିଆର୍ସ ସ୍ଥିତ ବଉଫରିକ ବିମାନବନ୍ଦର ନିକଟରେ ଏହି ଦୁର୍ଘଟଣା ଘଟିଛି। ଉଦ୍ଧାର କାର୍ଯ୍ୟ ପାଇଁ ୧୪ରୁ ଊର୍ଦ୍ଧ୍ବ ଆମ୍ବୁଲାନ୍ସ ଘଟଣାସ୍ଥଳକୁ ପ୍ରେରଣ କରାଯାଇଛି। ଆହତଙ୍କୁ ଉଦ୍ଧାର କରାଯାଇ ନିକଟସ୍ଥ ଡାକ୍ତରଖାନାରେ ପଠାଇବାର ବ୍ୟବସ୍ଥା କରାଯାଇଛି। ବିମାନବନ୍ଦର ପାଶ୍ୱର୍ରେ ଥିବା ସମସ୍ତ ରାସ୍ତାକୁ ଜରୁରୀକାଳୀନ ସ୍ଥିତି ପାଇଁ ବନ୍ଦ କରାଯାଇ ଉଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରାଯାଇଛି। ବିମାନଟି ବିମାନବନ୍ଦରରୁ ଉଡ଼ିବାର ମାତ୍ର କିଛି ସମୟ ମଧ୍ୟରେ ଏଭଳି ଦୁର୍ଘଟଣା ଘଟିଥିଲା। ତେବେ ଦୁର୍ଘଟଣାର କାରଣ ଜଣାପଡ଼ି ନାହିଁ।
