ଓ୍ୱାଶିଂଟନ୍ – ଆମେରିକା ନିକଟରେ ପରଗ୍ରହବାସୀ ବା ଏଲିଅନ୍ଙ୍କ ଯାନ ସହ ଶବ ଥିବା କଥା ଏହାର ଜଣେ ପୂର୍ବତନ ବରିଷ୍ଠ ଗୁଇନ୍ଦା ଅଧିକାରୀ କହିଛନ୍ତି । ଡେବିଡ୍ ଗ୍ରୁସ୍ ନାମକ ଅଧିକାରୀ ଏହି ଚାଞ୍ଚଲ୍ୟକର ତଥ୍ୟ ପ୍ରଦାନ କରିଛନ୍ତି । ବାଇଡେନ୍ ସରକାର ଏ ବିଷୟରେ ଅନ୍ୟମାନଙ୍କୁ କୌଣସି ସୂଚନା ଦେଉ ନଥିବା କଥା ସେ କହିଛନ୍ତି ।
ଗତ ୧୦ ବର୍ଷରୁ ଅଧିକ ସମୟ କାଳ ଆମେରିକା ଏ ବିଷୟରେ ଗବେଷଣା କରୁଛି । ଏଥିପାଇଁ ବିଭିନ୍ନ ରିଭର୍ସ ଇଂଜିନିୟରିଂ ପୋଗ୍ରାମ ଚାଲିଛି । ଏହା ସହ ଆମେରିକାର ପ୍ରତିରକ୍ଷା ବିଭାଗ ୟୁଏପିସହ unidentified anomalous phenomena ଜଡିତ ଘଟଣାର ଯାଞ୍ଚ କରୁଛି ।
ଆମେରିକା ସରକାରଙ୍କ ନିକଟରେ ଏକ ୟୁଏଫ୍ଓ ବା ପରଗ୍ରହୀଙ୍କ ଯାନ , ଏବଂ ସେଥିରେ ଥିବା ପରଗ୍ରହୀ ବା ଏଲିଅନ୍ ସମ୍ଭବତଃ ଏହାର ପାଇଲଟ୍ଙ୍କ ଶବ ରହିଛି । ଏ ବିଷୟରେ ସେ ଅନ୍ୟ ଅଧିକାରୀଙ୍କ ଠାରୁ ସେ ଜାଣିବା ପାଇଁ ପାଇଥିଲେ ବୋଲି କହିଛନ୍ତି । ଏହି ଯାନଟି ଦୁର୍ଘଟଣାଗ୍ରସ୍ତ ହେବା ପରେ ସଂଗ୍ରହ କରାଯାଇଥିବା କଥା ସେ ସୂଚନା ଦେଇଛନ୍ତି ।
ଆମେରିକାର ଆକାଶରେ ବିଭିନ୍ନ ସମୟରେ ୟୁଏଫ୍ଓ ଦେଖାଯାଇଛି । ଏହାର ପାଇଲଟ୍ମାନେ ବିଭିନ୍ନ ସମୟରେ ଅତି ଦ୍ରୁତଗତିରେ ଗୋଲାକାର ଯାନ ଯାଉଥିବା ଦେଖିବା ପାଇଁ ପାଇଥିଲେ । ଏପରିକି ଏହାର ଭିଡିଓ ଉତ୍ତୋଳନ କରିଥିଲେ । ଆମେରିକାର ଗୁଇନ୍ଦା ବିଭାଗ ପାଖରେ ଏହାର ପ୍ରମାଣ ଥିବା କଥା କୁହାଯାଉଛି ।
