ଦିଲ୍ଳୀ ପିସିସି ପଦ ଛାଡ଼ିଲେ ଅଜୟ ମାକେନ୍‍

ନୂଆଦିଲ୍ଲୀ: ବରିଷ୍ଠ କଂଗ୍ରେସ ନେତା ଅଜୟ ମାକେନ୍‍ ଦିଲ୍ଳୀ ପ୍ରଦେଶ କଂଗ୍ରେସ ସଭାପତି ପଦ ଛାଡ଼ିଛନ୍ତି। ଶୁକ୍ରବାର ସକାଳେ ଏ ସମ୍ପର୍କରେ ସେ ସୂଚନା ଦେବା ସହିତ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି, ଦଳର କର୍ମକର୍ତ୍ତା ଓ ଗଣମାଧ୍ୟମ ପ୍ରତିନିଧିଙ୍କୁ ଧନ୍ୟବାଦ ଦେଇଛନ୍ତି। ୨୦୧୫ରେ ଦିଲ୍ଲୀ ପ୍ରଦେଶ କଂଗ୍ରେସର ସଭାପତି ଭାବେ ମାକେନ୍‍ ଦାୟିତ୍ୱ ଗ୍ରହଣ କରିଥିଲେ। ସ୍ୱାସ୍ଥ୍ୟଗତ କାରଣ ଦର୍ଶାଇ ଗତ ବର୍ଷ ସେପ୍ଟେମ୍ବର ମାସରେ ସେ ଇସ୍ତଫା ଦେବାକୁ ଚାହୁଁଥିଲେ ହେଁ କଂଗ୍ରେସ ହାଇକମାଣ୍ଡ ଏଥିରେ ରାଜି ହୋଇ ନଥିଲେ। ମାକେନ୍‍ଙ୍କ ଇସ୍ତଫା ପରେ ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଶୀଲା ଦିକ୍ଷୀତ ସେହି ଦାୟିତ୍ୱ ତୁଲାଇବାକୁ ନିଜ ଆଡ଼ୁ ପ୍ରସ୍ତାବ ଦେଇଥିବା ଜଣାପଡ଼ିଛି।