ନୂଆଦିଲ୍ଲୀ : ଅମର ସିଂହ ଚମକିଲାରେ ନିଜ ଅଭିନୟ ପାଇଁ ପ୍ରଶଂସା ସାଉଁଟୁଥିବା ପରିଣୀତି ଚୋପ୍ରାଙ୍କୁ କିଏ ବା ନଚିହ୍ନେ । ତେବେ ସମସ୍ତେ ଜାଣନ୍ତି କି ସେ ଫିଲ୍ମ ‘ଇଶକଜାଦେ’ରୁ ନିଜ କ୍ୟାରିୟର ଆରମ୍ଭ କରିଥିଲେ । ତେବେ ସେ କୌଣସି ଫିଲ୍ମ ନୁହେଁ ବରଂ ଟିଭିରୁ ନିଜ କ୍ୟାରିୟର ଆରମ୍ଭ କରିଥିଲେ । ପରିଣୀତି ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ପୁରୁଣା ଭିଡିଓ ସେୟାର କରି ଲେଖିଛନ୍ତି ତାଙ୍କ ପ୍ରକୃତ ଡେବ୍ୟୁ ।
View this post on Instagram
ପରିଣୀତି ଯେଉଁ ଭିଡିଓ ସେୟାର କରିଛନ୍ତି ତାହା ଦୂରଦର୍ଶନର କୌଣସି କାର୍ଯ୍ୟକ୍ରମର ବୋଲି ଜଣାପଡୁଛି । ପରିଣୀତି ୧୩ ବର୍ଷ ବୟସରେ ପ୍ରଥମେ କ୍ୟାମେରାକୁ ସାମ୍ନା କରିଥିଲେ । ପରିଣୀତି ଯେଉଁ ଭିଡିଓ ସେୟାର କରିଛନ୍ତି ସେଥିରେ ସେ ନାଲି ରଙ୍ଗର ଡ୍ରେସ୍ ପିନ୍ଧିଛନ୍ତି । ପରିଣୀତି ଭିଡିଓରେ ଅନ୍ୟ ପିଲାଙ୍କ ସହିତ ‘ଅପନେ ଦେଶ କି ସେବା କରେଙ୍ଗେ ହମ୍’ ଗୀତ ଗାଉଥିବା ନଜର ଆସୁଛନ୍ତି । ତାଙ୍କର ଏହି ପୁରୁଣା ଭିଡିଓ ଦେଖି ଫ୍ୟାନ୍ସ ଚକିତ ହେଉଛନ୍ତି ।
ପରିଣୀତି ଚୋପ୍ରା ଏବେ ‘ଅମର ସିଂହ ଚମକିଲା’ର ସଫଳତାକୁ ଉପଭୋଗ କରୁଛନ୍ତି । ଫିଲ୍ମରେ ପରିଣୀତିଙ୍କ ଭୂମିକାକୁ ଯେଉଁଭଳି ପ୍ରଶଂସା ମିଳୁଛି ସେଥିରେ ସେ ଭାବୁକ ହୋଇପଡୁଛନ୍ତି । ଫିଲ୍ମ ରିଲିଜ ହେବା ପରେ ପରିଣୀତି ଏକ ପୋଷ୍ଟ କରିଥିଲେ ଯେଉଁଥିରେ ଲେଖାଥିଲା ‘ପରିଣୀତି ଇଜ୍ ବ୍ୟାକ୍ ।’
Comments are closed.