ମୁମ୍ବଇ : ଚଳିତ ବର୍ଷ ମୁକ୍ତିଲାଭ କରିବ ଅଜୟ ଦେବଗନଙ୍କ ‘ତାନାଜି : ଦ ଅନସଙ୍ଗ ୱାରିୟର’। ଚଳଚ୍ଚିତ୍ରର କାହାଣୀ ୧୬୭୦ରେ ହୋଇଥିବା ସିଂହଗଡ଼ ଯୁଦ୍ଧ ଉପରେ ଆଧାରିତ। ଏହି ଚଳଚ୍ଚିତ୍ରରେ ଅଜୟ ମରାଠି ଯୋଦ୍ଧା ଭୂମିକାରେ ଅଭିନୟ କରିବେ। ଖବରଅନୁସାରେ, ଏହି ଚଳଚ୍ଚିତ୍ରରେ ଅଜୟଙ୍କ ଧର୍ମପତ୍ନୀ କାଜଲ ତାଙ୍କ ସହ ଅଭିନୟ କରିବାର ଦେଖାଦେବେ।
ମିଡିଆ ରିପୋର୍ଟ ଅନୁସାରେ, ରିଅଲ ଲାଇଫର ପତି-ପତ୍ନୀ ଚଳଚ୍ଚିତ୍ରରେ ମଧ୍ୟ ପତି-ପତ୍ନୀ ଭୂମିକାରେ ଅଭିନୟ କରିବେ। ଏହା ପୂର୍ବରୁ କାଜଲ ଓ ଅଜୟଙ୍କ ଯୋଡୀକୁ ଦର୍ଶକ ମାନେ ବେଶ୍ ପସନ୍ଦ କରିଛନ୍ତି। ଏଥର ମଧ୍ୟ ଏହି ଯୋଡୀକୁ ଦର୍ଶକମାନେ ପସନ୍ଦ କରିବେ ବୋଲି ଅଜୟ ଆଶାବ୍ୟକ୍ତ କରିଛନ୍ତି। ଏହା ପୂର୍ବରୁ ଉଭୟ – ରାଜୁ ଚାଚା, ପ୍ୟାର ତୋ ହୋନା ହି ଥା, ହମ୍ ଭଳି ଚଳଚ୍ଚିତ୍ରରେ ଏକାଠି ଅଭିନୟ କରିଥିଲେ।
ଏହି ଚଳଚ୍ଚିତ୍ରରେ ମଧ୍ୟ ଦିର୍ଘ ୧୨ବର୍ଷ ପରେ ଅଜୟ ଓ ସୈଫ ଅଲ୍ଲୀ ଖାନ ଏକାଠି ଅଭିନୟ କରିବେ। ଉଭୟ କଳାକାର ଏହା ପୂର୍ବରୁ ବିଶାଲ ଭରଦ୍ୱାଜଙ୍କ ଚଳଚ୍ଚିତ୍ର ଓମକାରାରେ ଏକତ୍ର ଅଭିନୟ କରିଥିଲେ। ‘ତାନାଜି : ଦ ଅନସଙ୍ଗ ୱାରିୟର’ ସିନେମାଟି ୨୦୧୯ ନଭେମ୍ବର ୨୨ରେ ମୁକ୍ତିଲାଭ କରିବାର ଅନୁମାନ କାରାଯାଉଛି।