ତିରୁବନନ୍ତପୁରମ: ପ୍ରବଳ ବର୍ଷା ଯୋଗୁଁ କେରଳର କୋଝିକୋଡ଼ ବିମାନବନ୍ଦରରେ ଦୁବାଇରୁ ଆସିଥିବା ଏୟାର ଇଣ୍ଡିଆ ଏକ୍ସପ୍ରେସର ଏକ ବିମାନ ଓହ୍ଲାଇବା ସମୟରେ ରନୱେରୁ ଖସି ଯାଇଥିବା ଖବର ଆସିଛି ।
No fire reported at the time of landing. There are 174 passengers, 10 infants, 2 pilots & 5 cabin crew onboard the aircraft. As per initial reports, rescue operations are on & passengers are being taken to hospital: Rajeev Jain, Additional DG Media, Civil Aviation Ministry https://t.co/tsiSSrpNTx
— ANI (@ANI) August 7, 2020
ଏହି ବିମାନରେ ୧୮୪ ଜଣ ଯାତ୍ରୀ ଥିଲେ । ଏଥିରେ କ’ଣ କ୍ଷୟକ୍ଷତି ଘଟିଛି ଏ ପର୍ଯ୍ୟନ୍ତ ଜଣାପଡ଼ିନାହିଁ । ବିମାନଟି କେଉଁ କାରଣରୁ ରନୱେରୁ ବାହାରିଗଲା ତାହା ମଧ୍ୟ ସ୍ପଷ୍ଟ ହୋଇନାହିଁ । ତେବେ ବିମାନଟି ଦୁଇଖଣ୍ଡ ହୋଇ ଯାଇଥିବା ସୂଚନା ମିଳିଛି । ପ୍ରାରମ୍ଭିକ ସୂଚନା ଅନୁସାରେ ୩ ଜଣଙ୍କ ମୃତ୍ୟୁ ଘଟିଥିବା ଓ ୩୦ରୁ ଅଧିକ ଆହତ ହୋଇଥିବା ଜଣାପଡ଼ିଛି ।
ପ୍ରଚଣ୍ଡ ବର୍ଷା ଯୋଗୁଁ ଏହି ଘଟଣା ଘଟିଥିବା ଅନୁମାନ କରାଯାଉଛି । ଏହି ଘଟଣା ରାତି ୭.୪୦ ମିନିଟରେ ଘଟିଛି । ଘଟଣାସ୍ଥଳରେ ବିମାନଟି ଖଣ୍ଡବିଖଣ୍ଡିତ ହୋଇ ପଡ଼ିଛି । ଏୟାର ଇଣ୍ଡିଆ ଏକ୍ସପ୍ରେସ ପକ୍ଷରୁ କୁହାଯାଇଛି ଯେ ଦୁବାଇରୁ ଆସିଥିବା ଏୟାର ଇଣ୍ଡିଆ ବିମାନ ଆଇଏକ୍ସ-୧୩୪୪) ୧୭୪ ଜଣ ଯାତ୍ରୀଙ୍କୁ ନେଇ ଆଜି କୋଜିକୋଡେ (କେରଳ) ର କରିପୁର ବିମାନ ବନ୍ଦରରେ ଅବତରଣ କରିବା ସମୟରେ ସ୍କିଡ୍ କରିଥିଲା। ଦୁଇଜଣ ପାଇଲଟଙ୍କ ସମେତ ବିମାନରେ ୬ଜଣ କର୍ମଚାରୀ ରହିଥିଲେ । ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ପକ୍ଷରୁ କୁହାଯାଇଛି ଯେ ବିମାନଟି ପ୍ରବଳ ବର୍ଷାରେ ଅବତରଣ କରିଛି ଏବଂ ରନୱେ ୧୦ ରେ ଅବତରଣ କରିବା ପରେ ରନୱେରୁ ଖସିପଡ଼ିଛି । ଘଟଣାସ୍ଥଳରେ ୨୪ଟି ଆମ୍ବୁଲାନ୍ସ ଓ ଦମକଳ ଗାଡ଼ି ପହଞ୍ଚିଛି ।
Devastating news from Kozhikode, Kerala. I am deeply anguished by the loss of lives due to an accident carrying several passengers on Air India flight.
In this hour of grief, my thoughts are with the bereaved families. I pray for the speedy recovery of the injured.
— Rajnath Singh (@rajnathsingh) August 7, 2020
ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ ଏଥିନେଇ ଦୁଃଖପ୍ରକାଶ କରିଛନ୍ତି । ଅନ୍ୟପକ୍ଷରେ କେନ୍ଦ୍ର ସରକାର ଏହି ଘଟଣାର ତଦନ୍ତ ନିର୍ଦେଶ ଦେଇଛନ୍ତି ।
Comments are closed.