ସମାଜ ଡିଜିଟାଲ ଡେସ୍କ: ହମାସ ମୁଖ୍ୟ ଇସମାଇଲ ହାନିୟାଙ୍କୁ ଇରାନରେ ହତ୍ୟା କରାଯିବା ପରେ ମଧ୍ୟପ୍ରାଚ୍ୟରେ ଉତ୍ତେଜନା ବୃଦ୍ଧି ପାଇଛି। ଇସ୍ରାଏଲ ଉପରେ ଆକ୍ରମଣ କରିବାକୁ ଇରାନ ଏହାର ସେନାକୁ ନିର୍ଦେଶ ଦେଇଛି। ଏହାକୁ ଦୃଷ୍ଟିରେ ରଖି ଭାରତୀୟ ବିମାନ ସେବା ପ୍ରଦାନକାରୀ ସଂସ୍ଥା ଏୟାର ଇଣ୍ଡିଆ ତେଲ ଆଭିଭକୁ ଏହାର ସମସ୍ତ ଉଡ଼ାଣ ବାତିଲ କରିଛନ୍ତି। ଏୟାର ଇଣ୍ଡିଆର କୌଣସି ବିମାନ ନୂଆଦିଲ୍ଲୀରୁ ତେଲ ଆଭିଭ ଯିବ ନାହିଁ କି ତେଲ ଆଭିଭରୁ ନୂଆଦିଲ୍ଲୀ ଉଡ଼ାଣ କରିବ ନାହିଁ। ଆସନ୍ତା ୮ ତାରିଖ ପର୍ଯ୍ୟନ୍ତ ବିମାନ ଚଳାଚଳ ବନ୍ଦ ରହିବ ବୋଲି ଏୟାର ଇଣ୍ଡିଆ ପକ୍ଷରୁ ସାମାଜିକ ଗଣମାଧ୍ୟମ ଏକ୍ସ’ରେ ଏକ ପୋଷ୍ଟ ଜରିଆରେ କୁହାଯାଇଛି। ସୂଚନାଯୋଗ୍ୟ, ଏୟାର ଇଣ୍ଡିଆ ପକ୍ଷରୁ ଦିଲ୍ଲୀରୁ ତେଲ ଆଭିଭକୁ ୪ଟି ବିମାନ ଉଡ଼ାଣ କରୁଛି।
Comments are closed.