ଆଗଲପୁର: ସରକାର ଚାଷୀମାନଙ୍କୁ ବିଭିନ୍ନ ପ୍ରତ୍ସାହନ ଦେଇ ଚାଷୀମାନଙ୍କ ଆୟକୁ ୨ ଗୁଣ କରିବା ପାଇଁ ପ୍ରଚାର ପ୍ରସାର କରୁଛନ୍ତି। କିନ୍ତୁ ବର୍ତ୍ତମାନ ଆଗଲପୁର ବ୍ଲକରେ ଥିବା ୧୩ଟି ପେକ୍ସରେ ହଜାର ହଜାର କ୍ୟୁଣ୍ଟାଲ ଧାନ ପଡ଼ିରହିଛି। ଦୀର୍ଘ ଦିନରୁ ଟୋକନ ପାଇଥିବା ଚାଷୀମାନଙ୍କ ଧାନ ବିକ୍ରୀ ହୋଇପାରୁ ନ ଥିବାରୁ ଚାଷୀମାନେ ରାସ୍ତାରୋକ କରି ଜିଲା ଯୋଗାଣ ଅଧିକାରୀ ତଥା ବଲାଙ୍ଗିର ଜିଲାପାଳଙ୍କ ଦୃଷ୍ଠି ଆକର୍ଷଣ କରିଆସୁଛନ୍ତି। କିନ୍ତୁ ସରକାରଙ୍କ ପକ୍ଷରୁ ଟୋକନ ପ୍ରଦାନ କରିଥିବା ବେଳେ ଧାନ କ୍ରୟ କରିବା ବଦଳରେ ବିଭିନ୍ନ ଆଳ ଦେଖାଇ ଚାଷୀମାନଙ୍କୁ ଭୁଆଁ ବୁଲାଉଥିବାର ଅଭିଯୋଗ କରିଛନ୍ତି। ଏଣୁ ଆଗାମୀ ଦିନରେ ଟୋକନ ପାଇଥିବା ସମସ୍ତ ଚାଷୀମାନଙ୍କ ଧାନ ବିକ୍ରି ନହେଲେ ଚାଷୀ ଆନ୍ଦୋଳନ ଉଗ୍ର ରୁପ ନେବ ବୋଲି ଚାଷୀମାନେ ଚେତାବନୀ ଦେଇଛନ୍ତି।
Comments are closed.