ଭୁବନେଶ୍ୱର : ଓଡ଼ିଶା ଓକିଲଙ୍କ ଆନ୍ଦୋଳନର ସମାଧାନ ପାଇଁ ଭାରତୀୟ ବାର କାଉନସିଲ ପକ୍ଷରୁ ସୁପ୍ରିମକୋର୍ଟଙ୍କ ହସ୍ତକ୍ଷପ ଲୋଡାଯାଇଛି। ଏନେଇ ଭାରତୀୟ ବାର କାଉନସିଲ ଅଧ୍ୟକ୍ଷ ମନନ ମିଶ୍ର ସର୍ବୋଚ୍ଚ ନ୍ୟାୟାଳୟର ପ୍ରଧାନ ବିଚାରପତି ଦୀପକ ମିଶ୍ର ଏବଂ ଅନ୍ୟ ବରିଷ୍ଠ ବିଚାରପତିଙ୍କ ନିକଟକୁ ଏକ ପତ୍ର ଲେଖିଛନ୍ତି। ଏହି ପତ୍ରରେ ସେ ଓଡ଼ିଶା ସରକାରଙ୍କ ନିନ୍ଦା କରିବା ସହ ଓକିଲଙ୍କ ଆନ୍ଦୋଳନର ସମାଧାନ ପାଇଁ ରାଜ୍ୟ ସରକାରଙ୍କୁ ଉଚିତ ନିର୍ଦେଶ ଦେବାକୁ ନିବେଦନ କରିଛନ୍ତି। ଓକିଲଙ୍କ ଦାବି ପ୍ରତି ଓଡ଼ିଶା ସରକାର କିମ୍ବା ନ୍ୟାୟାପାଳିକା ଧ୍ୟାନ ଦେଉନଥିବା ସେ ଅଭିଯୋଗ କରିଛନ୍ତ। ସେ ଲେଖିଛନ୍ତି କି ଓକିଲ ଆନ୍ଦୋଳନ ଅଗଷ୍ଟ ମାସ ୨୮ତାରିଖରୁ ଚାଲୁ ରହିଛି। ମାତ୍ର ଏପର୍ଯ୍ୟନ୍ତ ଏନେଇ କୌଣସି ପଦକ୍ଷପ ନିଆଯାଇନାହିଁ। ଫଳରେ ସମସ୍ଥ ନ୍ୟାୟିକ କାର୍ଯ୍ୟ ଠପ୍ ହୋଇଯାଇଛି। ହାଇକୋର୍ଟ ବିଚାରପତି କିମ୍ବା ଅବସର ପ୍ରାପ୍ତ ବିଚାରପତିଙ୍କର ଏକ ଉଚ୍ଚସ୍ତରୀୟ କମିଟି ଗଠନ କରାଯାଇ ବିବାଦର ସମାଧାନ କରିବାକୁ ସେ ନିବେଦନ କରିଛନ୍ତି। ଉଲ୍ଲେଖଯୋଗ୍ୟ ଯେ ଓଡ଼ିଶା ହାଇକୋର୍ଟର ବରିଷ୍ଠ ଓକିଲ ଦେବୀ ପ୍ରସନ୍ନ ପଟ୍ଟନାୟକଙ୍କୁ ମାଡ଼ ମାରିଥିବା ପୁଲିସ୍ କର୍ମୀଙ୍କ ଗିରଫ ଦାବିରେ ଓକିଲ ସଂଘ ପକ୍ଷରୁ ଆନ୍ଦୋଳନ ଜାରି ରହିଛି।
Popular Categories
Previous article
Next article