ନେମାଳ : ନେମାଳ ଥାନା ଅନ୍ତର୍ଗତ ତିଲକଣା ପଞ୍ଚାୟତର ରାଠପୁରରେ ନବଜାତ ଶିଶୁପୁତ୍ର ଉଦ୍ଧାର କରି କୋଳେଇ ନେଇଥିବା ଜଣାପଡିଛି। ଗହୀର ବିଲ ନିକଟ ଏକ ଜୁଣ ବୁଦାମୂଳରେ ପଡି ରହିଥିବା ନବଜାତ ଶିଶୁ ପୁତ୍ରକୁ ଉକ୍ତ ଗ୍ରମର ଜଣେ ମହିଳା ଉଧାର କରିଛନ୍ତି। ଖବରଅନୁସାରେ ଉକ୍ତ ଗ୍ରାମର ଭଗବାନ ସାହୁ ବିଲକୁ ଯିବା ସମୟରେ ରାଠପୁର ଗହୀର ବିଲ ନିକଟ ଜୁଣ ବୁଦାମୂଳରେ ଏକ ନବଜାତ ଶିଶୁ ପୁତ୍ରକୁ ପଡିଥିବାର ଦେଖିଥିଲେ। ପରେ ସେ ଘରକୁ ଆସି ତାଙ୍କ ଝିଅ ରଞ୍ଜିତାକୁ ସଙ୍ଗରେ ନେଇ ଶିଶୁ ପୁତ୍ରଟିକୁ ମୁର୍ମୁଶ ଅବସ୍ଥାରେ ଉଦ୍ଧାର କରିଥିଲେ। ପରେ ତାକୁ ଚିକିତ୍ସା ପାଇଁ ନିଶ୍ଚିନ୍ତକୋଇଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ। ସେଠାରେ ଶିଶୁ ପୁତ୍ରର ଚିକିତ୍ସା କରାଯାଇଥିଲା। ଶିଶୁ ପୁତ୍ରଟି ଏବେ ସୁସ୍ଥ ଥିବା ଜଣାପଡିଛି। ଭଗବାନଙ୍କ ପରିବାରରେ ପାଞ୍ଚ ଝିଅ ଥିବା ବେଳେ ଏହି ଶିଶୁ ପୁତ୍ରଟିକୁ ପାଇ ପରିବାର ଲୋକେ ବେସ ଆନନ୍ଦିତ ହୋଇଥିବା ବେଳେ ଉକ୍ତ ଶିଶୁପୁତ୍ରଟି ଠାକୁରଙ୍କ କରୁଣାରୁ ପାଇଛନ୍ତି ବୋଲି ପରିବାର ସୂଚନା ଦେଇଛନ୍ତି।
