ସୁଆଣ୍ଡୋ : ପୁରୀ ଜିଲା ସାକ୍ଷୀଗୋପାଳ ଶ୍ରୀରାମଚନ୍ଦ୍ରପୁର ସ୍ଥିତ ସରସ୍ବତୀ ଶିଶୁ ବିଦ୍ୟାମନ୍ଦିର ପରିସରରେ ଗୀତା ଆବୃତ୍ତି ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ପୁରୀ ବାଲିଘାଇ ସ୍ଥିତ ହରିହରାନନ୍ଦ ଗୁରୁକୂଳମ ପକ୍ଷରୁ ଏହି ପ୍ରତିଯୋଗିତାର ଆୟୋଜନ ହୋଇଥିଲା। ରେଭେନ୍ସା ମହାବିଦ୍ୟାଳୟର ପ୍ରାକ୍ତନ ଅଧ୍ୟାପିକା ସୁଜାତା ମିଶ୍ର ପ୍ରଦୀପ ପ୍ରଜ୍ଜ୍ଵଳନ କରି ଆନୁଷ୍ଠାନିକ ଭାବେ ଉଦଘାଟନ କରିଥିଲେ। ନଅଟି ବିଦ୍ୟାଳୟର ଷାଠିଏ ଜଣ ଛାତ୍ରଛାତ୍ରୀ ଏଥିରେ ଅଂଶଗ୍ରହଣ କରିଥିଲେ । ଏଥିରେ ଭଗବତ ଗୀତାର ଦ୍ଵାଦଶ ଅଧ୍ୟାୟ ଭକ୍ତିଯୋଗ ଆବୃତ୍ତି କରାଯାଇଥିଲା। ବ୍ରହ୍ମଚାରୀ ପ୍ରଦୀପ ଓ ଶିଶୁ ମନ୍ଦିରର ଗୁରୁଜୀ ଗୁରୁମା ମାନେ ବିଚାରପତି ଭାବେ ରହିଥିଲେ । କୃତିତ୍ୱ ହାସଲ କରିଥିବା ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା । ନିଜ ବିଚାରରେ ପରିବର୍ତ୍ତନ ତଥା ଉନ୍ନତ ଜୀବନ ଗଠନ ପାଇଁ ଏହି ପ୍ରତିଯୋଗିତା ହରିହରାନନ୍ଦ ଗୁରୁକୂଳମ ପକ୍ଷରୁ ରାଜ୍ୟବ୍ୟାପୀ ଛାତ୍ରଛାତ୍ରୀଙ୍କ ମଧ୍ୟରେ କରାଯାଉଥିବା କୁହାଯାଏ। ପ୍ରଦୀପ ତ୍ରିପାଠୀ କାର୍ଯ୍ୟକ୍ରମଟିକୁ ସଂଯୋଜନା କରିଥିଲାବେଳେ ଆଦିତ୍ୟ ମିଶ୍ର ଓ ଚିତରଞ୍ଜନ ରାଉତରାୟ ସହଯୋଗ କରିଥିଲେ ।
