ରେଙ୍ଗାଲିକ୍ୟାମ୍ପ: ଅତାବିରା ଏନ୍ଏସିରେ ସ୍ୱଚ୍ଛ ପରିବେଶ, ସୁସ୍ଥ ପରିବେଶର ପରିକଳ୍ପନା ଦୂରେଇ ଦୂରେଇ ଯାଇଛି। ରାସ୍ତା କଡ ହେଉ କି ନାଳ ନର୍ଦ୍ଦମା, ଯେଉଁଠି ଦେଖିବ ସେଠି କୁଢ଼ କୁଢ଼ ମଇଳା ଆବର୍ଜନାରେ ପରିପୂର୍ଣ୍ଣ। ଜାତୀୟ ରାଜପଥ କଡରେ ଗଦା ଗଦା ମଇଳା ଆବର୍ଜନା ଯୋଗୁ ତାହା ପୁତ୍ତିଗନ୍ଧମୟ ପରିବେଶ ସୃଷ୍ଟି କରୁଛି।
ରାସ୍ତାକଡ଼ରେ ଜମାହୋଇ ରହୁଥିବା ପ୍ଲାଷ୍ଟିକ ଜରି, ବୋତଲ ଆଦି ସହିତ ଯାବତୀୟ ବର୍ଜ୍ୟବସ୍ତୁ ଏବେ ଅଞ୍ଚଳର ପରିବେଶକୁ ପଦୂଷିତ କରିଥିବା ବେଳେ ବିଭିନ୍ନ ଜଳାଶୟଗୁଡ଼ିକ ମଧ୍ୟ ପ୍ରଦୂଷଣ ରୁ ବର୍ତ୍ତି ନାହିଁ । ଅତାବିରା ୱାର୍ଡ ନଂ ୪ସ୍ଥିତ ଦମଦମା ପୋଲ ଦେଇ ବହି ଯାଇଥିବା ନଲିଆରେ ଜମିରହିଛି। ଅନେକ ମଇଳା ଆବର୍ଜନା ସାଙ୍ଗକୁ ସ୍ୱଚ୍ଛ ପରିବେଶର ମୁଖ୍ୟ ପ୍ରତିବନ୍ଧକ ରୂପେ ବିବେଚିତ ପ୍ଲାଷ୍ଟିକ ଥଳି। ନାଳାରେ ଜମି ରହିଥିବା ପଲିଥିନରେ ଭର୍ତ୍ତି ହୋଇ ରହିଥିବା ମଇଳା ପଲିଥିନ ଭିତରେ ପଚି ଷଢ଼ି ରୋଗ ସୃଷ୍ଟିକାରୀ ଅଣୁଜୀବଗୁଡ଼ିକର ବୃଦ୍ଧି କରିବାରେ ବେଶ୍ ସହାୟକ ହେଉଛି। ଏହି ନାଳର ଗୋଟିଏ ପଟେ ଲୋକେ ଗାଧୋଉଥିବା ବେଳେ ଅନ୍ୟ ପଟରେ ଆବର୍ଜନା ପରିପୂର୍ଣ୍ଣ । ପୁଣି ଏହି ନାଳ ପାଣିରେ ମିଶୁଛି ସହର ର ଡ୍ରେନ ପାଣି । ଯାହାର ଦୁର୍ଗନ୍ଧ ମଧ୍ୟ ଅତିଷ୍ଠ କରୁଛି। ଦୀର୍ଘ ଦିନ ଧରି ଏହି ନାଳ ଭିତରେ ଆବର୍ଜନା ଜମି ରହିଥିଲେ ମଧ୍ୟ ଏନ୍ଏସି କର୍ତ୍ତୃପକ୍ଷ ଏଥିପ୍ରତି କୌଣସି ଦୃଷି ଦେଇ ନାହାନ୍ତି । ଯାହାକୁ ନେଇ ଏହି ରାସ୍ତା ଦେଇ ଯାତାୟାତ କରୁଥିବା ଲୋକେ ପରିବେଶ ପ୍ରତି ଏନ୍ଏସିର କାର୍ଯ୍ୟକଳାପ ଉପରେ ଅସନ୍ତୋଷ ପ୍ରକଟ କରିଛନ୍ତି। ସହରର ଆଧୁନିକୀକରଣକୁ ନେଇ ଚିନ୍ତା କରାଯାଉଥିବା ବେଳେ ଏହାର ପରିବେଶର ଚିତ୍ର ସ୍ଵଚ୍ଛତାର ବହୁ ଦୂରରେ । ତେଣୁ ଏଥିପ୍ରତି ତୁରନ୍ତ ଦୃଷ୍ଟି ଦେବା ପାଇଁ ସାଧାରଣରେ ଦାବି ହେଉଛି।
