ହାଇଦରାବାଦ: ଅଦିତି ରାଓ ହାଇଦରୀ ତାଙ୍କ ଆଗାମୀ ୱେବସିରିଜ୍ ‘ହିରାମଣ୍ଡି’କୁ ନେଇ ଚର୍ଚ୍ଚାରେ। କିନ୍ତୁ ଇତି ମଧ୍ୟରେ ଏମିତି ଏକ ଖବର ସାମ୍ନାକୁ ଆସିଛି, ଯାହା ପ୍ରଶଂସକମାନଙ୍କୁ ଚମକାଇ ଦେଇଛି। ମିଡିଆ ରିପୋର୍ଟ ଅନୁଯାୟୀ, ଅଦିତି ତାଙ୍କ ଦୀର୍ଘ ଦିନର ପ୍ରେମିକ ସିଦ୍ଧାର୍ଥଙ୍କୁ ହାଇଦରାବାଦର ଏକ ମନ୍ଦିରରେ ବିବାହ କରିଛନ୍ତି। ସାମାଜିକ ଗଣମାଧ୍ୟମରେ ଏହି ଖବର ଭାଇରାଲ ହେବା ମାତ୍ରେ ପ୍ରଶଂସକମାନେ ଦମ୍ପତିଙ୍କୁ ଶୁଭେଚ୍ଛା ଜଣାଇଛନ୍ତି। ରିପୋର୍ଟ ମୁତାବକ, ଅଭିନେତା ସିଦ୍ଧାର୍ଥ ଏବଂ ଅଦିତି ରାଓ ହାଇଦରୀ ବୁଧବାର ତେଲଙ୍ଗାନାର ୱାନାପର୍ଥୀ ଜିଲାସ୍ଥିତ ଶ୍ରୀରଙ୍ଗପୁରର ଶ୍ରୀ ରଙ୍ଗନାୟକସ୍ୱାମୀ ମନ୍ଦିରରେ ବିବାହ କରିଥିବା ଜଣାଯାଇଛି।
ଅଦିତି ଏବଂ ସିଦ୍ଧାର୍ଥଙ୍କ ସମ୍ପର୍କକୁ ନେଇ ଦୀର୍ଘ ଦିନ ଧରି ଚର୍ଚ୍ଚା ଚାଲିଆସୁଛି। ଏବେ ଉଭୟ ବିବାହ କରି ନିଜ ସମ୍ପର୍କରେ ମୋହର ଲଗାଇଛନ୍ତି। ମିଳିଥିବା ସୂଚନା ମୁତାବକ, ପରିବାର ସଦସ୍ୟ ଓ ଘନିଷ୍ଠ ସମ୍ପର୍କୀୟଙ୍କ ଉପସ୍ଥିତିରେ ଏହି ବିବାହ ସମାରୋହ ସମ୍ପନ୍ନ ହୋଇଛି। ପାରମ୍ପରିକ ରୀତି ନୀତି ଅନୁସାରେ ଉଭୟ ବିବାହ କରିଛନ୍ତି।
Comments are closed.