ସାଧାରଣତଃ ଶରୀରକୁ ସୁସ୍ଥ ଓ ସତେଜ ରଖିବା ପାଇଁ ଆମେ ଦୈନିକ ଗାଧୋଇଥାଉ। ହେଲେ କ’ଣ ଆପଣ ଜାଣନ୍ତି, ସ୍ନାନ ସହ ଆମ ଭାଗ୍ୟ ମଧ୍ୟ ଜଡ଼ିତ ଥାଏ। ସ୍ନାନ ଘରେ ଧନର ଅଭାବ କିମ୍ବା ବୃଦ୍ଧି ଉପରେ ପ୍ରଭାବ ପକାଇଥାଏ। ତେବେ ଶାସ୍ତ୍ର ଅନୁଯାୟୀ, ଗାଧୋଇବା ପୂର୍ବରୁ ଏପରି କିଛି ଉପାୟ ଅଛି ଯାହାକୁ ଆପଣାଇ ଆପଣ ନିଜ ଭାଗ୍ୟ ବଦଳାଇ ପାରିବେ। ଏହି ଉପାୟ ଆପଣଙ୍କ ଜୀବନରେ କେବଳ ଉନ୍ନତି ଆଣି ନଥାଏ ବରଂ ଜୀବନରେ ଆସୁଥିବା ଅନେକ ସମସ୍ୟାର ମଧ୍ୟ ସମାଧାନ କରିଥାଏ। କିଛି ଜିନିଷ ଅଛି ଯାହାକୁ ଗାଧୋଇବା ପାଣିରେ ମିଶାଇ ସ୍ନାନ କଲେ ଧନ ବୃଦ୍ଧି ସହ ଅନେକ ଲାଭ ମିଳିଥାଏ। ଆସନ୍ତୁ ଜାଣିବା କ’ଣ ସେହି ସବୁ ଜିନିଷ–
ଶାସ୍ତ୍ର ଅନୁଯାୟୀ ଗାଧୋଇବା ପାଣିରେ ରାଶି ମିଶାଇ ସ୍ନାନ କରିବା ଦ୍ୱାରା ଘରେ ମା’ ଲକ୍ଷ୍ମୀଙ୍କର ବାସ ହେଇଥାଏ। ଏହି ଉପାୟରେ ସ୍ନାନ କରିବା ଦ୍ୱାରା ଧନର ଅଭାବ ରହିନଥାଏ।
ଏହାବ୍ୟତୀତ ଗାଧୋଇବା ପାଣିରେ କିଛି ଅଳେଇଚ ଏବଂ କେଶର ମିଶାଇ ସ୍ନାନ କରନ୍ତୁ। ଏହାଦ୍ବାରା ଆପଣଙ୍କ ଉପରେ ଆସିଥିବା ସଙ୍କଟ ତୁରନ୍ତ ଦୂର ହୋଇଯିବ।
ଏହା ମଧ୍ୟ କୁହାଯାଇଛି ଯେ, ଯଦି ଆପଣ ଗାଧୋଇବା ପାଣିରେ କ୍ଷୀର ମିଶାନ୍ତି ତେବେ ଏହାଦ୍ୱାରା ମଣିଷକୁ ଦୀର୍ଘ ଆୟୁଷ ପ୍ରାପ୍ତି ହୋଇଥାଏ। ଏହାସହିତ ଶାରୀରିକ ଶକ୍ତି ମଧ୍ୟ ମିଳିଥାଏ।
ପାଣିରେ ଘିଅ ମିଶାଇ ଗାଧୋଇବା ମଧ୍ୟ ଲାଭଦାୟକ ହୋଇଥାଏ। ଶାସ୍ତ୍ର ଅନୁସାରେ, ଘିଅ ମିଶା ପାଣିରେ ସ୍ନାନ କରିବା ଦ୍ୱାରା ସ୍ୱାସ୍ଥ୍ୟ ଠିକ୍ ରହିଥାଏ। ଏହାସହିତ ତ୍ୱଚାରେ ମଧ୍ୟ ଚମକ ଆସିଥାଏ।
