ନୂଆଦିଲ୍ଲୀ: ଗୌତମ ଆଦାନି ଆଉ ଏସିଆର ସବୁଠାରୁ ଧନୀ ବ୍ୟକ୍ତିଙ୍କ ତାଲିକାର ଦ୍ୱିତୀୟ ସ୍ଥାନରେ ନାହାନ୍ତି । ତାଙ୍କ ଗ୍ରୁପ କମ୍ପାନୀର ଷ୍ଟକ ମୂଲ୍ୟ ହ୍ରାସ ପାଇବା ପରେ ସେ ଏହି ତାଲିକାରେ ତଳକୁ ଖସିଯାଇଛନ୍ତି । ୫୮ ବର୍ଷ ବୟସ୍କ ଗୌତମ ଆଦାନିଙ୍କର ସମ୍ପତ୍ତିର ମୋଟ ମୂଲ୍ୟ ସଂପ୍ରତି ୫୩.୫ ବିଲିଅନ ଡଲାର ରହିଛି, ଯାହା ଗତ ସପ୍ତାହ ତୁଳନାରେ ୧୩.୨ ବିଲିଅନ ଡଲାର ହ୍ରାସପାଇଛି । ତାଙ୍କ ବଦଳରେ ଏସିଆର ଧନୀ ତାଲିକାର ଦ୍ୱିତୀୟ ସ୍ଥାନ ନେଇଛନ୍ତି ଚୀନର ପ୍ୟାକେଜଡ ପାଣି ବ୍ୟବସାୟୀ ଝୋଙ୍ଗ ଶାନଶାନ । ଶାନଶାନଙ୍କ ସମ୍ପତ୍ତି ମୂଲ୍ୟ ଆଦାନିଙ୍କ ଠାରୁ ୧.୮ ବିଲିଅନ ଡଲାର ଅଧିକ ବୋଲି ବ୍ଲୁମବର୍ଗ ପକ୍ଷରୁ କୁହାଯାଇଛି । ମୁକେଶ ଅମ୍ବାନି ୮୪.୫ ବିଲିଅନ ଡଲାର ମୂଲ୍ୟର ସମ୍ପତ୍ତିର ମାଲିକ ହେବା ସହିତ ତାଲିକାର ଶୀର୍ଷସ୍ଥାନ ବଜାୟ ରଖିଛନ୍ତି । ଗତ ଗୁରୁବାର ଦିନ ଆଦାନିଙ୍କ ଗ୍ରୁପ୍ କମ୍ପାନୀର ମୂଲ୍ୟ ଷ୍ଟକ ବଜାରରେ ୧.୫୯ ଲକ୍ଷ କୋଟି ଟଙ୍କା ହ୍ରାସ ପାଇଥିବା ଜଣାଯାଇଛି ।
Popular Categories
Previous article
Next article