ଭଂଜନଗର : ଭଂଜନଗର ସହର ଠାରୁ ମାତ୍ର ଦୁଇ କି.ମି ଦୂର ବେଳଗୁଣ୍ଠା ରାସ୍ତାର ପ୍ରେରଣା ପୀଠ ଠାରେ ବାଇକ ଦୁର୍ଘଟଣା ଘଟି ଜଣେ ଯୁବକର ମୃତ ଘଟିଥିବା ବେଳେ ଅନ୍ୟ ଜଣେ ଯୁବକ ଆହାତ ହୋଇଛନ୍ତି। ବୁଧବାର ରାତି ପ୍ରାୟ ୧୦ଟା ସମୟରେ ଏହି ଦୁର୍ଘଟଣା ଘଟିଥିଲା। ମୃତ ଯୁବକର ନାମ ଶରତ ନାଇକ ଓ ତାର ଘର ଜଗନ୍ନାଥପ୍ରସାଦ ଥାନା ଅର୍ନ୍ତଗତ ଗଣ୍ଡାଧର ପଞ୍ଚାୟତର ହରିପୁର ଗାଁ ହୋଇଥିବା ବେଳେ ଆହାତ ଯୁବକଙ୍କ ନାମ ନିଳାମ୍ବର ଡାକୁଆ ଓ ତାର ଘର ସେହି ଥାନା ଅନ୍ତର୍ଗତ ଜିରାବାଡି ଗ୍ରାମ ବୋଲି ଜଣାପଡିଛି। ଉଭୟ ସାଂଗ ଗୋଟିଏ ବାଇକରେ କୌଣସି କାମରେ ଭଂଜନଗର ଆସି ଫେରୁଥିବା ବେଳେ ପ୍ରେରଣାପୀଠର ବଙ୍କିମ ରାସ୍ତା ଅତିକ୍ରାନ୍ତ କରି ନ ପାରି ରାସ୍ତା ପାର୍ଶ୍ବରେ ଥିବା ଗୋଟିଏ ଗଛକୁ ପିଟି ଦେଇଥିଲେ। ଗାଡିର ବେଗ ଅତ୍ୟନ୍ତ ପ୍ରଖରଥିବାରୁ ଚାଳକ ଶରତ ଗଛ ସହ ପ୍ରଚଣ୍ଡ ବେଗରେ ପିଟି ହୋଇ ଶରୀରର ବିଭିନ୍ନ ସ୍ଥାନରେ ପ୍ରବଳ କ୍ଷତ ସୃଷ୍ଟିହୋଇଥିଲା। । କିଂତୁ ପଛରେ ବସିଥିବା ଅନ୍ୟ ଏକ ସାଂଗ ନିଳାମ୍ବର ବାଇକୁ ଛିଟିକି ସାମନ୍ୟ ଆହତ ହୋଇଥିଲେ। ମୁମୂର୍ଷ ଅବସ୍ଥାରେ ଶରତକୁ ଭଂଜନଗର ସରକାରୀ ହାସ୍ପିଟାଲ ଅଣାଯାଇଥିଲା। ଡାକ୍ତର ଏଠାରେ ତାଙ୍କର ମୃତ ଘୋଷଣା କରିଥିଲେ। ଉଭୟ ସାଂଗଙ୍କ ବୟସ ୨୮/୩୦ ହେବ ବୋଲି ଜଣାପଡିଛି।
Popular Categories
Previous article
Next article