ଦୁର୍ଘଟଣା : ୪୦ ଫୁଟ ଘାଟି ତଳୁ ବାଇକ୍ ସହ ୨ ମୃତଦେହ ଉଦ୍ଧାର
ମୋହନା : ଗଜପତି ଜିଲା ମୋହନା ଥାନା ଅଞ୍ଚଳରେ ଗୁରୁବାର ବିଳମ୍ବିତ ରାତିରେ ଏକ ଅଭାବନୀୟ ଘଟଣା ଘଟିଛି। ସମୟ ପ୍ରାୟ ରାତି ୧୧ଟା ସମୟରେ ଦୁଇ ବାଇକ୍ ଆରୋହୀ ମୋହନା ନିକଟସ୍ଥ ନିଜୁମା ଘାଟି ଦେଇ ଫେରୁଥିବା ବେଳେ ଭାରସାମ୍ୟ ହରାଇ ଏକ ଗଛକୁ ଧକ୍କା ଦେଇ ୪୦ ଫୁଟ ଘାଟି ତଳକୁ ଛିଟିକି ପଡିଥିଲେ। ଘଟଣାସ୍ଥଳରେ ଉଭୟଙ୍କର ମୃତ୍ୟୁ ହୋଇଥିବା ଜଣାପଡ଼ିଛି। ମୃତକ ଦୁଇଜଣ ହେଲେ ଗଞ୍ଜାମ ଜିଲା ବଡ଼ଗଡ଼ ଥାନା ଅନ୍ତର୍ଗତ ବଳରାମପୁର ପଞ୍ଚାୟତର ଏବିଜନ ମଣ୍ଡଳ (୨୩) ଓ ମୋହନା ଥାନା ଅନ୍ତର୍ଗତ ଗୋବିନ୍ଦପୁର ପଞ୍ଚାୟତ ସ୍ଥିତ ହିଚାଗାନ୍ଧୀ ଗ୍ରାମର ରବି ରଇତ (୨୨)।
ଖବରପାଇବା ପରେ ନିଜୁମା ଗ୍ରାମାବାସୀ, ସାମ୍ବାଦିକ ଓ ମୋହନା ଥାନା ସବଇନିସପେକ୍ଟର ହେମନ୍ତ ସେଠୀ, ଏଏସଆଇ ସି.ଏଚ.କାମରାଜୁ ରେଡି ଘଟଣାସ୍ଥଳରେ ପହଞ୍ଚି ଦୁହିଙ୍କ ମୃତଦେହ ଜବତ କରିଥିଲେ। ତେବେ ଦୁଇ ମୃତଦେହକୁ ବ୍ୟବଚ୍ଛେଦ ପାଇଁ ବ୍ରହ୍ମପୁର ବଡ଼ମେଡିକାଲ ପଠାଯାଇଥିବା ଥାନାଅଧିକାରୀ ପ୍ରଶାନ୍ତ କୁମାର ବେହେରା ସୂଚନା ଦେଇଛନ୍ତି।