ସଡକ ଦୁର୍ଘଟଣାରେ ବୌଦ୍ଧ ଜିଲା କୃଷି ଉପ-ନିର୍ଦେଶକଙ୍କ ମୃତ୍ୟୁ

ହାରଭଙ୍ଗା : ବୌଦ୍ଧ ଜିଲା ୫୭ ନମ୍ବର ଜାତୀୟ ରାଜପଥର ରାଧାନଗର ଛକରେ ଏକ ସଡକ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ବୌଦ୍ଧ ଜିଲାର କୃଷି ଉପ-ନିର୍ଦେଶକଙ୍କ ମୃତ୍ୟୁ ଘଟିଛି। ମୃତକଙ୍କ ନାମ ହେଉଛି ମନୋରଞ୍ଜନ ମଲ୍ଲିକ। ସଡକ ଦୁର୍ଘଟଣାରେ ଗାଡି ଚାଳକ ଓ ପିଅନ ଆହତ ହୋଇଥିବା ଜଣାପଡିଛି। ଆହତଙ୍କୁ ଉଦ୍ଧାର କରାଯାଇ ବୌଦ୍ଧ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ସୂଚନାଯୋଗ୍ୟ ଯେ, ସମସ୍ତେ ଭୁବନେଶ୍ବରରୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଛି। ବୌଦ୍ଧ ପୁଲିସ ଘଟଣାର ତଦନ୍ତ ଆରମ୍ଭ କରିଛି।