ଯାଜପୁର / ସମ୍ବଲପୁର : ଦୁଇଟି ପୃଥକ ପୃଥକ ସଡକ ଦୁର୍ଘଟଣାରେ ଦୁଇ ଜଣଙ୍କ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ହୋଇଛନ୍ତି ।
ଓ ସମ୍ବଲପୁରରୁ କଟକ ୫୫ନମ୍ବର ଜାତୀୟ ରାଜପଥ ଅନ୍ତର୍ଗତ ମାନେଶ୍ୱର ଠାରେ ମର୍ମନ୍ତୁଦ ସଡ଼କ ସଡ଼କ ଦୁର୍ଘଟଣା ଘଟିଛି। ସୂଚନା ଅନୁଯାୟୀ ଯାଜପୁର ଜିଲା ଜେନାପୁର ଥାନା ଅନ୍ତର୍ଗତ ଯାଜପୁର ୫୩ ଜାତୀୟ ରାଜପଥ ବାଘୁଆ ଛକ ନିକଟରେ ସଡକ ଦୁର୍ଘଟଣା ଘଟିଛି । ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ତାଙ୍କ ଝିଅ ଗୁରୁତର ହୋଇଛନ୍ତି । ମୃତକ ବ୍ୟକ୍ତି ହେଲେ ଚିତ୍ତରଞ୍ଜନ ସ୍ୱାଇଁ ଓ ତାଙ୍କ ଝିଅ ହେଲେ ଅଭିଲିପ୍ସା । ଭେଳିଗୋଠ ଗାଁର ଚିତ୍ତରଞ୍ଜନ ଓ ତାଙ୍କ ଝିଅ ବାଇକ୍ରେ ବାରକଣା ଗାଁକୁ ଯାଉଥିବା ବେଳେ ବିପରୀତ ଦିଗରୁ ଆସୁଥିବା ଏକ ଟ୍ରକ ସେମାନଙ୍କୁ ସମ୍ମୁଖରୁ ଧକ୍କା ଦେଇଥିଲା । ଘଟଣାସ୍ଥଳରେ ଚିତ୍ତରଞ୍ଜନଙ୍କ ମୃତ୍ୟୁ ହୋଇଥିଲା। ତାଙ୍କ ଝିଅଙ୍କୁ ଗୁରୁତର ଅବସ୍ଥାରେ ବଡ଼ଚଣା ଡ଼ାକ୍ତରଖାନାରେ ଭର୍ତ୍ତି କରାଯାଇଥିଲା। ପରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଛି। ବାଇକ୍ କୁ ଧକ୍କା ଦେଇ ଟ୍ରକ୍ଟି ଓଲଟି ପଡ଼ିଥିଲା।
ସେହିପରି ସମ୍ବଲପୁରରୁ କଟକ ୫୫ନମ୍ବର ଜାତୀୟ ରାଜପଥ ଅନ୍ତର୍ଗତ ମାନେଶ୍ୱର ଠାରେ ମଧ୍ୟ ସଡ଼କ ଦୁର୍ଘଟଣା ଜଣଙ୍କର ମୃତ୍ୟୁ ହୋଇଛି। ଗୋଟିଏ ଟ୍ରକ୍ ଓ ବାଇକ୍ ମଧ୍ୟରେ ଧକ୍କା ହେବାରୁ ଘଟଣାସ୍ଥଳରେ ଆରୋହୀଙ୍କର ମୃତ୍ୟୁ ହୋଇଛି। ମୃତକ ଜଣକ ହେଉଛି କରଂଜୋଲା ଗାଁର ବିନୋଦ ଭୋଇ। କୌଣସି କାମରେ ସେ ରାସ୍ତାରେ ଯାଉଥିବା ବେଳେ ଏହି ଦୁର୍ଘଟଣା ଘଟିଥିଲା। ସମ୍ବଲପୁର ପୁଲିସ ଘଟଣାସ୍ଥଳରୁ ବିନୋଦଙ୍କ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ବୁର୍ଲା ମେଡ଼ିକାଲକୁ ପଠାଇଛି। ଉଭୟ ଦୁର୍ଘଟଣା ସ୍ଥାନରେ ପୁଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।
