ସମ୍ବଲପୁର: ରାଜ୍ୟରେ ଗୁରୁବାରଠାରୁ ଯୁକ୍ତ ୨ କଳା ଓ ବାଣିଜ୍ୟ ବିଭାଗର ବୋର୍ଡ ପରୀକ୍ଷା ଆରମ୍ଭ ହୋଇଯାଇଛି। ତେଣୁ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ସମ୍ବଲପୁର ଶାଖା ତରଫରୁ ସ୍ଥାନୀୟ ଗଙ୍ଗାଧର ମେହେର ବିଶ୍ୱବିଦ୍ୟାଳୟ ସମ୍ମୁଖରେ ପରୀକ୍ଷା ଦେବା ପାଇଁ ଯାଉଥିବା ଛାତ୍ରଛାତ୍ରୀମାନଙ୍କୁ ଦୀପ ପ୍ରଜ୍ୱଳନ କରାଯାଇ ଫୁଲ ଓ ଚନ୍ଦନ ଦେଇ ଶୁଭେଚ୍ଛା ଜଣାଇ ପରୀକ୍ଷାରେ ସଫଳତା ପାଇଁ ଶୁଭକାମନା ଦିଆଯାଇଥିଲା। ପ୍ରତି ବର୍ଷ ଏବିଭିପି ପକ୍ଷରୁ ଏଭଳି କାର୍ଯ୍ୟକ୍ରମ କରାଯାଉଥିବା ବେଳେ ଆଜି ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏଥିରେ ପରିଷଦର ରାଜ୍ୟ ସହ ସମ୍ପାଦକ ସ୍ୱରାଜ ମିଶ୍ର, ସମ୍ବଲପୁର ଜିଲା ସଂଯୋଜକ ଅଭିଳାଷ ମେହେର, ନଗର ସମ୍ପାଦକ ଯଶ ବର୍ଦ୍ଧନ ତିୱାରୀ, ଓମ ପ୍ରକାଶ ନାଥ, ଶୁଭ୍ରାଂଶୁ ଶେଖର ନାୟକ, ସ୍ୱାଧିନ ଆଚାର୍ଯ୍ୟ, ସିମ୍ରତନ ସର, ମେଘା ଦେବନାଥ, କୀର୍ତ୍ତିମୟୀ ସାହୁ, ପୁଜା ମୁଣ୍ଡା ପ୍ରମୁଖ ସାମିଲ ରହି ଛାତ୍ରଛାତ୍ରୀମାନଙ୍କୁ ପରୀକ୍ଷାରେ ସଫଳତା ପାଇଁ ଉତ୍ସାହିତ କରିଥିଲେ।
Comments are closed.