ଅଭିନନ୍ଦନ ଏଫ୍-୧୬ ମାରି ଖସାଇଥିବା ପ୍ରଥମ ଭାରତୀୟ ପାଇଲଟ: ପୂର୍ବତନ ବାୟୁସେନା ମୁଖ୍ୟ
![](https://samajalive.in/wp-content/uploads/2019/03/354459-india.jpg)
ନୂଆଦିଲ୍ଲୀ ..- ଅଭିନନ୍ଦନ ବାୟୁ ସେନାର ପ୍ରଥମ ପାଇଲଟ୍ ଭାବେ ଏଫ୍-୧୬ ଯୁଦ୍ଧ ବିମାନକୁ ମାରିତଳକୁ ଖସାଇଛନ୍ତି ବୋଲି ପୂର୍ବତନ ବାୟୁସେନା ମୁଖ୍ୟ (ଏୟାର ଚିଫ୍ ମାର୍ଶାଲ) ଏସ୍ କ୍ରିଷ୍ଣମୂର୍ତ୍ତୀ ଏହି ବିଷୟରେ କହିଛନ୍ତି । ଅଭିନନ୍ଦନ ମିଗ୍-୨୧ ବିସନ ଯୁଦ୍ଧ ବିମାନ ଚଳାଉଥିଲେ । ଏଫ୍-୧୬ ଏହାଠାରୁ ଆଧିନିକ । ଏଫ୍-୧୬ରେ ଆଧୁନିକ ଯୁଦ୍ଧାସ୍ତ୍ର ସହ ଆଧୁନିକ ରାଡର୍ ସିଷ୍ଟମ ରହିଛି । ମାତ୍ର ଏହାକୁ ଖସାଇବାରେ ଅଭିନନ୍ଦନ ସଫଳ ହୋଇଛନ୍ତି ବୋଲି ସେ କହିଛନ୍ତି ।
![prayash](https://samajalive.in/wp-content/uploads/2024/12/prayash.jpg)
ବାୟୁସେନା ସରକାରଙ୍କୁ ଅଧିକ ଆଧୁନିକ ଯୁଦ୍ଧ ବିମାନର ଆବଶ୍ୟକତା ରହିଥିବା କଥା କହିଛି । ଅତିଶୀଘ୍ର ୧୦୦ ଅତ୍ୟାଧୁନିକ ଯୁଦ୍ଧ ବିମାନର ଆବଶ୍ୟକତା ରହିଛି । ପାକିସ୍ତାନର ଅର୍ଥ ବ୍ୟବସ୍ଥା ଭୁଶୁଡି ପଡିଥିଲେ ମଧ୍ୟ , ଏଫ୍-୧୬ ସହ ଅନ୍ୟ ଅତ୍ୟାଧୁନିକ ଯୁଦ୍ଧ ବିମାନ ରହିଛି । ଭାରତୀୟ ବାୟୁସେନା ନିକଟରେ ଥିବା ସୁଖୋଇ-୩୦ ଏମ୍କେଆଇ ୨୦ ବର୍ଷ ତଳର ଏଥିରେ ସୁଧାର ଆସିବାର ଆବଶ୍ୟକତା ରହିଛି ବୋଲି କ୍ରିଷ୍ଣମୂର୍ତ୍ତୀ କହିଛନ୍ତି । ଏବେ କେହେ କାହା ଉପରେ ଦୋଷାରୋପ ନକରି ଶୀଘ୍ର ଦେଶର ହିତରେ ନିଷ୍ପତ୍ତି ନେବା ଆବଶ୍ୟକ ବୋଲି ସେ ପ୍ରକାଶ କରିଛନ୍ତି । ଆମ ପାଇଲଟମାନେ ଦକ୍ଷ ଏମାନଙ୍କୁ ବଶ୍ ଭଲ ଭାବରେ ତାଲିମ ଦିଆଯାଇଥାଏ । ମାତ୍ର ଏବେ ବାୟୁସେନାକୁ ଅତ୍ୟାଧୁନିକ ଯୁଦ୍ଧ ବିମାନର ଆବଶ୍ୟକତା ରହିଛି ବୋଲି କ୍ରିଷ୍ଣ ମୂର୍ତ୍ତୀ ସୂଚନା ଦେଇଛନ୍ତି ।
![kalyan agarbati](https://samajalive.in/wp-content/uploads/2025/01/kalyani-adv.jpg)