ଆମ ସାମ୍ବାଦିକ ସଂଘର ବାର୍ଷିକ ଉତ୍ସବ ଓ କର୍ମଶାଳା

ବାସୁଦେବପୁର : ଆମ ସାମ୍ବାଦିକ ସଂଘର ବାର୍ଷିକ ଉତ୍ସବ ଓ କର୍ମଶାଳା ବାସୁଦେବପୁର ଟାଉନହଲ ପରିସରରେ ଅନୁଷ୍ଠିତ ହୋଇଯାଇଛି । କିଶୋର କୁମାର ମହାପାତ୍ରଙ୍କ ଅଧ୍ୟକ୍ଷତାରେ ଆୟୋଜିତ ଉତ୍ସବରେ ମୁଖ୍ୟଅତିଥି ଭାବରେ ରାଜ୍ୟସଭା ସାଂସଦ ମୁନା ଖାଁ ଯୋଗଦେଇଥିବା ବେଳେ ମୁଖ୍ୟବକ୍ତା ଭାବରେ ଅମରେଶ ବିଶ୍ୱାଳ ଯୋଗଦେଇଥିଲେ । ସମ୍ମାନୀତ ଅତିଥି ଭାବରେ ପୁର୍ବତନ ବିଧାୟକ ବିଷ୍ନୁବ୍ରତ ରାଉତରାୟ ଓ କବି ଡ. ସୁରେନ୍ଦ୍ରପ୍ରସାଦ ମହାନ୍ତି ଯୋଗଦେଇଥିଲେ । ସଂଗ୍ରାହକ ବିକାଶକୁମାର ଶତପଥୀଙ୍କ ସଭା ସଂଯୋଜନାରେ ରମାକାନ୍ତ ଡାଙ୍ଗୁଆ ବାର୍ଷିକ ବିବରଣୀ ପାଠ କରିଥିଲେ । ଏହି ଅବସରରେ ଜବାହାର ନବଦୋୟ ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ସ୍ୱାଗତ ସଙ୍ଗୀତ ଗାନ କରାଯାଇଥିବା ସହିତ ‘ସାମ୍ବାଦିକର ସ୍ୱର’ ଓ ‘ଗୀତା,ଭାଗବତ ଓ ବ୍ରହ୍ମସୁତ୍ର କଥା’ ପୁସ୍ତକ ଲୋକାର୍ପଣ ହୋଇଥିଲା । ବରିଷ୍ଠ ସାମ୍ବାଦିକ ଅମରେଶ ବିଶ୍ୱାଳ, କିଶୋରକୁମାର ମହାପାତ୍ର,ନାରାୟଣ ପ୍ରସାଦ ବାରିକ, ଖବରକାଗଜ ବିତରକ ମନରଞ୍ଜନ ପଣ୍ଡା, ସ୍ୱାତି ଜେନାଙ୍କୁ ସମ୍ବର୍ଦ୍ଧିତ କରାଯାଇଥିଲା । ସ୍ୱାଧୀନ ଆଲୋକ ଡାଙ୍ଗୁଆ,ଭରତ ନାୟକ,ସବେଶ୍ୱର ଜେନା,ସଂଗ୍ରାମକେଶରୀ ମହାନ୍ତି ପ୍ରମୁଖ ମଞ୍ଚ ପରିଚାଳନାରେ ସହଯୋଗ କରିଥିବା ବେଳେ ଅମୀୟଭୂଷଣ ମହାନ୍ତି ଧନ୍ୟବାଦ ଦେଇଥିଲେ ।