ଡେସ୍କ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲ ଗିରଫ ହେବା ପରେ ଭବିଷ୍ୟତ ରଣନୀତି ସ୍ଥିର କରିବା ପାଇଁ ଆମ୍ ଆଦମୀ ପାର୍ଟି ଆଜି ଏହାର ନେତା, ବିଧାୟକ ଓ କାଉନସିଲରଙ୍କୁ ନେଇ ଏକ ବୈଠକ କରିବ। ରାଜ୍ୟସଭା ସାଂସଦ ସନ୍ଦୀପ ପାଠକ ଏହି ବୈଠକରେ ଅଧ୍ୟକ୍ଷତା କରିବାର ସମ୍ଭାବନା ରହିଛି। ଦଳର ସୁପ୍ରିମୋ ଗିରଫ ହେବା ପରେ ଏହା ହେଉଛି ପ୍ରଥମ ବଡ଼ ବୈଠକ ଏବଂ ଏଥିରେ ଦଳର ଭବିଷ୍ୟତ ରଣନୀତି ଉପରେ ଆଲୋଚନା ହେବାର ସମ୍ଭାବନା ରହିଛି।
ଅବକାରୀ ନୀତି ସହ ଜଡିତ ମନି ଲଣ୍ଡରିଂ ମାମଲାରେ ଶ୍ରୀ କେଜ୍ରିୱାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ଗୁରୁବାର ତାଙ୍କ ସରକାରୀ ବାସଭବନରୁ ଗିରଫ କରିଛି। ଶୁକ୍ରବାର ଦିନ ଏକ ଅଦାଲତ ଆପ୍ ରାଷ୍ଟ୍ରୀୟ ସଂଯୋଜକଙ୍କୁ ମାର୍ଚ୍ଚ ୨୮ ପର୍ଯ୍ୟନ୍ତ କେନ୍ଦ୍ରୀୟ ଏଜେନ୍ସିର ହେପାଜତକୁ ପଠାଇ ଦେଇଛନ୍ତି।
Comments are closed.