ନିର୍ମାଣଧୀନ ଘର ଭିତରୁ ନବ ବିବାହିତା ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର

ପାଟଣା : କେନ୍ଦୁଝର ଜିଲା ବାରିଆ ଥାନା ଅସନପାଟ ଗାଁ ନାଏକ ସାହିରେ ଏକ ନିର୍ମାଣଧୀନ ଘର ଭିତରୁ ଝୁଲନ୍ତା ଅବସ୍ଥାରେ ଜଣେ ନବବିବାହିତା ମହିଳାଙ୍କ ମୃତଦେହ ଉଦ୍ଧାର ହୋଇଛି। ମୃତକ ମହିଳା ଜଣଙ୍କ ସୁନେଲି ନାଏକ । ସେ ୬ ମାସ ପୂର୍ବରୁ ପାଟଣା ବ୍ଲକ ରେଙ୍ଗାଳବେଡା ଗ୍ରାମର ଭରତ ଭୂଷଣ ନାଏକଙ୍କୁ ବିବାହ କରିଥିଲେ । ତେବେ କିଛି ଦିନ ପୂର୍ବରୁ ନିଜ ବାପ ଘର ଅସନପାଟ ଗାଁକୁ ଆସିଥିବା ବେଳେ ଶନିବାର ନିଜ ବାପ ଘର ନିକଟରେ ନିର୍ମାଣ ଚାଲିଥିବା ଏକ କୋଠା ଘରୁ ଭିତରୁ ତାଙ୍କର ଝୁଲନ୍ତା ଅବସ୍ଥାର ମୃତଦେହ ଉଦ୍ଧାର ହୋଇଛି । ଆତ୍ମହତ୍ୟାର କାରଣ ଅସ୍ପଷ୍ଟ ରହିଥିବା ବେଳେ ଘଟଣା ସ୍ଥଳରେ ବାରିଆ ପୁଲିସ ପହଁଞ୍ଚି ଘଟଣାର ତଦନ୍ତ ଜାରି ରଖିଥିବା ସୂଚନା ମିଳିଛି।