ଚେନ୍ନାଇ : ମାନବିକତା ଏବେ ବି ବଞ୍ଚିଛି । ଏହାର ଏକ ଉଦାହରଣ ଏବେ ସୋସିଆଲ ମିଡିଆରେ ଘୁରିବୁଲୁଛି । ବେସେଣ୍ଟ ମେମୋରିଆଲ ଆନିମଲ୍ ଡିସ୍ପେନ୍ସରୀ ଏହାର ଜ୍ବଳନ୍ତ ଉଦାହରଣ ସୃଷ୍ଟି କରିଛି । ଏଥିପାଇଁ ସୋସିଆଲ ମିଡିଆରେ ପ୍ରଶଂସାର ସୁଅ ଛୁଟୁଛି । ଚେନ୍ନାଇରେ ଏକ ଆହତ ହରିଣକୁ ଏହି ସ୍ବେଚ୍ଛାସେବୀ ଏବଂ ପଶୁ ଚିକିତ୍ସକମାନେ ନିଜ ଚେଷ୍ଟା ବଳରେ ନୂଆ ଜୀବନ ଦେଇଛନ୍ତି । ଏହି ଘଟଣା ସମ୍ପର୍କରେ ଆଇଏଏସ୍ ଅଧିକାରୀ ସୁପ୍ରିୟା ସାହୁ ନିଜ ଏକ୍ସ ଆକାଉଣ୍ଟରେ ସେୟାର କରିଛନ୍ତି ।
ଆହତ ଅବସ୍ଥାରେ ମିଳିଥିବା ହରିଣର ଗୋଡ ଭାଙ୍ଗିଯାଇଥିଲା । ଏଥିଯୋଗୁଁ ହରିଣଟି ଠିକରେ ଚାଲିପାରୁନଥିଲା । ବେସେଣ୍ଟ ମେମୋରିଆଲ ଆନିମଲ୍ ଡିସ୍ପେନ୍ସରୀର ସ୍ବେଚ୍ଛାସେବୀମାନେ ହରିଣକୁ ଉଦ୍ଧାର କରିଥିଲେ ଏବଂ ତାକୁ ଆବଶ୍ୟକୀୟ ଚିକିତ୍ସା ଯୋଗାଇ ଦେଇଥିଲେ । ଡା. ଶ୍ରୀଧରଙ୍କ ନେତୃତ୍ବରେ ପଶୁ ଚିକିତ୍ସକଙ୍କ ଟିମ୍ ହରିଣକୁ ସୁସ୍ଥ କରିବା ପାଇଁ ସର୍ଜରୀ କରିଥିଲେ ।
The beautiful little spotted deer that you see in the video is recovering well after he was found with a fractured leg in Chennai. Volunteers at the Besant Memorial Animal Dispensary rescued him carefully and brought him to the advanced facility at Vandalur Zoo.Our vets led by Dr… pic.twitter.com/DhXjgxFY5K
— Supriya Sahu IAS (@supriyasahuias) February 5, 2024
ଆଇଏଏସ୍ ଅଧିକାରୀ ସୁପ୍ରିୟା ସାହୁ ନିଜ ଏକ୍ସ ଆକାଉଣ୍ଟରେ ଏହି ଭିଡିଓକୁ ସେୟାର କରିଛନ୍ତି ଏବଂ କ୍ୟାପ୍ସନରେ ଲେଖିଛନ୍ତି କି ‘ଭିଡିଓରେ ଆପଣ ଯେଉଁ କୁନି ହରିଣକୁ ଦେଖୁଛନ୍ତି । ସେ ଚେନ୍ନାଇରେ ଆହତ ଅବସ୍ଥାରେ ମିଳିଥିଲା । ସେହି ସମୟରେ ତାର ଗୋଡ ଭାଙ୍ଗି ଯାଇଥିଲା । ବେସେଣ୍ଟ ମେମୋରିଆଲ ଆନିମଲ୍ ଡିସ୍ପେନ୍ସରୀର ସ୍ବେଚ୍ଛାସେବୀ ସାବଧାନତାର ସହ ତାକୁ ଉଦ୍ଧାରକରି ଚିକିତ୍ସା କରାଇଥିଲେ । ଏବେ ସେ ଠିକ୍ ହୋଇଯାଇଛି ଏବଂ ଚାଲିପାରୁଛି ।’
